ХЭНИЙ ХӨРГӨГЧИНД ЮУ БАЙНА?? . . . Reebok nation...

[Должко]

Өмнөх гишүүн нь дээр байсийм даа.......
Дажгүй хамтлаг.....
Юуун Анемоне.....

Айн??

Шинэ гишүүн жаахан тиймэрхүү л санагдсан.....
Өмнөх гишүүн даж байсийн.....

[RBK]

Энэ ямар байна, Должко??

[TraP]

Алка бүдүүн байж чадахуу??

[Yes Man]

15 жилийн дараа асуудалгүй......

[RBK]

[Gooner]

Hi

[Logger]

bye

[*R9*]

Нэрээ Алкад Швецарь түлхүүрийн оосор байгаа юу? Байхгүй бол бэлэглэх санаатай.

[RBK]

Нэрээ Алкад Швецарь түлхүүрийн оосор байгаа юу? Байхгүй бол бэлэглэх санаатай.

Сайн хүн санаагаараа... Баярлалаа...

[Г.Баяраа]

Алкад Германы түлхүүрийн оосор байгаа юу ...надаа ч байхгүйээ
зүгээр л хэлсийн

[RBK]

Байхгүй... Тэхдээ байсан ч гэсэн би голохгүй шд... Баярлана уу л гэхээс...

[RBK]

Энэ хэн бэ??

[Shaggy]

Зиак чамд болон танай гэр бүлд баярын мэнд

[RBK]

[Johny]

[RBK]

Шоколадан бүрхүүлтэй пончик...



Зиа, нэг ийм юм хийх талаар хэлж өгье... Энийг хүүхдийн төрсөн өдөр, зочид ирхэд хийвэл их хөөрхөн юм байлээ...

Орц: /жич: Шагги мэтийн хоног төөрүүлдэг орц биш шүү... /

Пончик:

1 аяга гурил
1/4 аяга + 2 хоолны халбага сахар
1 цайны халбага ичгэгч
1/2 цайны халбага давс
1/4 аяга, + 2 хоолны халбага сүү
1 өндөг
1 цайны халбага ванил
1 хоолны халбага масло, хайлуулсан

Chocolate Glaze:

2 + 1/2 хоолны халцага давсгүй масло
800 грамм орчим шоколад
1 аяга сахарын пудер
1 цайны халбага ванил
2 хоолны халбага халуун ус
Чимэглэх зориулалтын өнгийн сахар



Зиа, тэхээр ингэнээ... Шарах зуухаа 350-360 градус хүртэл халаа... Тэгээд пончикний хэвээ сайхан тослоод өг... Тэгээд гурил, сахар, исгэгч давсаа сайхан холих хэрэгтэй... Тэгээд дээрээс нь нь сүү, өндөг, ванил, хайлуулсан маслоо нэмээд сайтар хутга... Сайн хутгаарай...
Тэгээд зуурмагаа нөгөө бялууны чимэглэл хийхэд хэрэглэдэг гялгар уут байдаг даа, хэрвээ тэр байхгүй бол зүгээр гялгар уутанд хийгээд, нэг үзүүрлүү нь сайн чигжиж байгаад, пончикний хэвэндээ хий...



Ийм болно... Тэхээр нь шарах шүүгээндээ хийгээд 10-12 минут шараарай... Энэ бол бүр тийм алтан шар болтолоо шарагдахгүй шүү... Тэгээд халуун хэвэнд 2, 3 минут орчим байлгаад хэвнээс нь гаргаж хөргөөх хэрэгтэй...



Шоколадан бүрхүүлээ хийхдээ ингэнэ... Ёроолдоо устай сав халаах хэрэгтэй... Их ус биш шүү... Дөнгөж ёроолыг нь бүрхэх төдий... Тэрэндээ шоколад, маслоо нэмж хийгээд хайлуулна... Тэгээд халуун ус, сахар, ванил дээрээ шүүлтүүрээр шүүж хийгээрэй... Тэгээд нэг сайхан зуурмаг болно...



Тэрийгээ царцахаас нь өмнө хөргөөсөн пончик дээрээсээ жигд асгаад, тэгээд дээр нь нөгөө чимэглэх зориулалтын өнгийн сахараа жигд цацчих... Тэгээл боллоо...

[RBK]

Өвлийн өвгөн...



Энэ жилийн шинэ жил их сайхан боллоо... Бүхэл бүтэн 3 жил хайж олсон Санта Клаусынхаа иж бүрдэлийг өмсөөд айл хунараар хэсч, бэлэг тарааж "дүрдээ орж" явах сайхан юмаа... Энэ жил 31-ны орой 3 айлаар орлоо... Их зугаатай юмнууд боллоо... Гэхдээ би гэрээрээ 2 удаа орсон... Яагаад гэхээр, манай гэрт хамаатны хэдэн хүн ирнэ гэж байсийн... Тэр нөхдүүдийн дунд 2 нусан буу байдийн... Тэгээд би орой нь орвол тэр 2 нусан буу ирцэн байх учираас би охиндоо тэр нусан буунуудаас илүү бэлэг өгч болохгүй... Тэгвэл дайн болох учиртай байсан болхоор, үндсэн бэлэгээ эрт өгөөд, орой нь бэлгэдэлийн чанартай чихэр жимс л өгсийн...
Би өдөр өнөөх хувцастайгаа гэрийнхээ гадаа очоод, гэрийхэнрүүгээ залгаад "Охиноо цонхон дээр гаргаад ир" гэж хэллээ... Тэгсэн манай атаманыг өвөө нь өргөөд харуулж байна шүү... Би бэлэг сэлтээ тэврээд, үүргэвчээ үүрээд яваад орлоо... Өглөө би гэрээс гарахдаа Сантагийнхаа хувцасыг үүргэвчиндээ хийж гарсийн... Тэгээд хоосон үүргэвчээ үүрээд л явж байгаа нь тэр... Тэгээд гэртээ яваад орлоо... Охин маань гайхаал хараад байна... Дуу хоолойгоо өөрчилмөр аядаад, цээжилсэн хэдэн юмаа ар араас нь уншаад, шүлэглэж гарлаа... Энгийн үед миний үгэнд орох нь байтугай, бараг намайг хөөгөөд байдаг охин маань намайг таньсангүй... Санта Клаусын хэлсэн бүхнийг хийжийн шүү... Дуу дуулж, бүжиглэж, шүлэг уншиж байна... Тэгээд үнсүүлээд, бэлэгээ аваад "Баярлалаа, баяртай" гэжийн шүү... Соёлтой гэж жигтэйхэн... Тэгээд би гарахдаа буцаад үүргэвчээ аваад гарлаа... Тэгсэн дараа нь манай охин, манай аав 2-н дунд ийм яриа өрнөсөн гэнээ...

Охин: Саяных ёстой хачин өвлийн өвгөн байна даа
Өвөө: Яасан?
Охин: Өвлийн өвөө орж ирчээд, аавын цүнхийг аваад гарчихийн... гэсэн гэнэ...

За тэгээд би гараад 120 мянгат орох гэж такси хүлээж нилээн зогслоо... Өвлийн өвгөн өөрөө машин жолоодоод явах нь зүйд нийцэхгүй хэрэг бөгөөд, зузаан сахалны дээр нүдний шил цантаад, юм харахын эцэсгүй болоод байхийм байна лээ... Тэгээд такси олох гэж 30 минут орчим замын хажууд үзмэр болж зогслоо... Хүмүүс их гоё хандаж байсанд баахан баярлав... Хэд хэдэн мишаантай "ээж" нар,
- Сайн уу, Санта?? гэж байлээ... Хандраад байх шиг байгаан... Нөхөр нь хажууд нь байхад ичдэггүй муу гарууд... Гэснээс бас хэд хэдэн хүн,
- Хүүе ээ, чамайг ямар утасаар дууддагийн? Дуудлагаар явах уу?? эдэр гэхийн... Би дуудлагаар явчмаар юм шиг харагдсийм байх даа... За тэр ч яаахав...
Тэгээд такси олж аваад нэг найзынруугаа орвоо... Гэрийхэн нь, аав, ээж нь цугларчихсан... Манай найзаас бусад нь мэдээгүй байсан бололтой... Найз маань намайг очход хүүхдийнхээ бэлэг сэлтийг гаргаж ирж өгчихөөд түрүүлээд орлоо... Тэгээд л явж ороод нөгөө цээжилсэн хэдээ хэлэх гэтэл байдаггүй шүү... Гацаад, ичээд, сандраад, салга авлаа... Ёстой л дунд сургуульд дуу хөгжим, арван жилдээ Англи хэлэндээ сайн байсан тулдаа аргалж гарсан даа... Тэгээд нэг их хэцүү юм байнаа... Айлд орсон чинь үүүү ёстой янз бүрийн хоол унд хийцэн, хорхой хүргээд л... Ид, уу л гээд байхийн... Би гэж нэг юм амаараа дүүрэн сахал зүүцэн болхоор чинь юм үзээгүй юм шиг лавиад байвал сахал маань амны алчуур болчих гээд байдаг... Идэхгүй болхоор үнэрэнд нь алуулчих гээд байдаг... Ёстой гүрийжаагаам даа... Тэгээд нэг соруул олж авч байж, нэг сайхан хүйтэн ундаа ууж билээ... Тэр хооронд чинь айлын зулзаганууд дуулж, бүжиглээд чухам намайг чинь тэр цас мөсний орноос ирсэн нөхөр байна гэж бодоод, миний уутанд байгаа юмнаас салгачих гээд үзэж таржийнаа... Нээрээ юуун уут гараад ирвээ гэж гайхаж магад... Үүргэвчтэй байснаа уут болчиж гэж бодож байгаа ч байх... Манай найзад мобикомоос улаан том даавуун ууттай бэлэг өгсөн гээд надаа тэр улаан уутыг өгсийн... Нэг сахилга бат муутай нөхөр гүйж ирсэнээ сахалнаас минь зулгааж үзжийна... "Яаж байна хүү минь" гэсэн чинь цаашаа очоод "Жинхэнэ сахал байна" гээл нөгөөдүүлдээ хэлж байна лээ... Тэгээд л бэлэгээ өгөөд, үнсэж гарваа... Дараа нь патиераа татууллаа... Янз бүрийн байрлалаар... Авгайг нь үнсэж хүртэл авхууллаа... Тэгээд эхний айлаасаа гараад, дараагийн айлруугаа явлаа... Манай найз намайг машинаараа хүргэж өгч буян үйлдэв... Бид 2 дараагийн айлдаа иртэл гэрийн эзэд ирээгүй байна гэв... "Очиж явна, 10 минут"... Хүлээнгээ 2-уулаа тамхиллаа... Тамхи татахдаа сахалаа суллаж байгаад, сайхан сорж байтал хажуугаар өнгөрч явсан айлын нэг хүүхэд "Ээжээ, өвлийн өвгөн тамхи татдиймуу??" гэж авдийн... Хичнээн санаа зовсон гээч... Тэгэж байтал нөгөө гэрийн эзэд нь ирлээ гэнэ... Бас хүүхүүдийнхээ бэлгийг түрүүлж өгөөд өөрсдөө гэртээ орцгоолоо... Би жаахан хүлээж байгаад араас нь ороод явчлаа... Манай хүн том хүүхэддээ замтай, галт тэрэг авсан байсийн... Том хайрцагтай... Бага хүүхэд нь бол нусан чавх л даа... Тэгээл явж ороод л нөгөө муу нусан чавхыг нь дуулуулж, бүжиглүүлээд... Баахан зугаацав... Тэгсэн нөгөө нөхөр тэгжийшүү "Өвөө, энэ юу юм? Хэнд өгөх гэж байгаан?" гэнээ... Тэр нөхөр эрэгтэй хүүхэд л дээ... Тэхээр нь жаахан янзыг нь үзэх гээд "Энэ хавьд их томоотой, нэг охин байгаа гэж сонсоод, тэрэнд өгөх гэж ирлээ" гэсэн чинь "Би эмэгтэй шд... Боожгоотой л болхоос" гэж галзуурдийн... Галт тэрэгний төлөө хүйсээ солиулчих гээд байгаа нөхөрт өгөхгүй гээд яаахав... Тэгээд өгсөн чинь бөөөөөн баяр... Намайг магтаад л... "Сайн өвлийн өвгөн байна" л гэхийн... "Би чамд чихэр авсан" гэж ирээл тавагтай чихэрнээсээ өгөхийн... Харин бага охин нь айгаад байхиймаа надаас... Тэр нөхөртэй бол нээх харьцаагүй... За тэгээд бужигнаж дуусаад гарлаа... Тэгсэн нөгөө том хүү нь дараа нь аавдаа "Ааваа, өвлийн өвгөн их ухаантай юм байна шүү" гэсэн гэнээ... Манай хүн гайхаад "Яаж байна?" гэсэн чинь, "Намайг галт тэргэнд дуртайг яаааг мэдсэн байна шүү" гэсэн байгаам дааа...
За тэгээд гараад, найзаараа хүргүүлээд гэртээ буулаа... Гэртэ ороод бааааааааахан хүн... Би ч нөгөө цээжилсэн хэдээ хэлээд, нөгөө нусан чавхнуудаар дуу, шүлэг уншуулаад, бушуухан хувцасаа тайлахын түүс... Тэгсэн манай гэрийхэн зураг авхуулна гээд гүй ээ мөн зовоовоо... Би бүтэж үхэх шахсан... Тэгэж тэгэж нэг юм хувцасаа сольж аваад, орсон чинь манай охин "Аабаа, өвлийн өвгөн намайг онц байсан болхоор бэлэг өгсөн" гээл ярьж гаржийна шүү... Манай 2 настай охин байтугай 7 настай хамаатны охин намайг танихгүй байлээ... Тэхээр би нилээн дажгүй байсийм шиг байгаан... За биеэ тоодог бэртэгчин зан ч яаахав, дараа жил маршрут гаргаж байгаад бүх найзуудынхаараа хэснээ...

[hosko]

Ёстой энэ сэдвийнхээ нэр шиг юм болж дээ...хаха

Нэг хийж үзмээр санагдаад л байдаг юмыг хийж үзсэн байна ш дээ... Уг нь тэр дуудлагаар энэ тэр гэсэн хүүхнүүдэд бол ок л гэх газар ш дээ...

[Khosoo]

ИРЭХ жил гэртээ уринаа. БИ нэг оролдмоор санагдаад бдгийн. ЭНЭ жил ч хамаатнаараа овоо хэссэн шүү

[RBK]

Энэ 2-н бичлэг бол шууд том хүний юм яриад эхэлжийшд...

Нэг хийж үзмээр санагдаад л байдаг юмыг хийж үзсэн байна ш дээ... Уг нь тэр дуудлагаар энэ тэр гэсэн хүүхнүүдэд бол ок л гэх газар ш дээ...

ИРЭХ жил гэртээ уринаа. БИ нэг оролдмоор санагдаад бдгийн

Хийж үзмээр санагдаад байдаг юм ч гэх шиг... Оролдмоор санагдаад ч гэх шиг...

[Dj Tuvshin]

Ирэх жил ч урилга заллага нэлээд ихтэй байх бололтой...
Хүүд минь(чинийхээр бол нусан чавх л байх биз.ккк) бэлэг дамжуулж өгөөрэй!

[Г.Баяраа]

Өвлийн өвгөн...



..[b] Тэр хооронд чинь айлын зулзаганууд дуулж, бүжиглээд чухам намайг чинь тэр цас мөсний орноос ирсэн нөхөр байна гэж бодоод, миний уутанд байгаа юмнаас салгачих гээд үзэж таржийнаа... Нээрээ юуун уут гараад ирвээ гэж гайхаж магад... Үүргэвчтэй байснаа уут болчиж гэж бодож байгаа ч байх... Манай найзад мобикомоос улаан том даавуун ууттай бэлэг өгсөн гээд надаа тэр улаан уутыг өгсийн... Нэг сахилга бат муутай нөхөр гүйж ирсэнээ сахалнаас минь зулгааж үзжийна... "Яаж байна хүү минь" гэсэн чинь цаашаа очоод "Жинхэнэ сахал байна" гээл нөгөөдүүлдээ хэлж байна лээ... Тэгээд л бэлэгээ өгөөд, үнсэж гарваа.....[/b]

гоё гоё

[Могжоохон]

"Би эмэгтэй шд... Боожгоотой л болхоос"

гоё явсан юм шиг байна

[RBK]

За ёстой ганц сайхан Reebok ноосон малгай олж өгөх буянтай хүн байна уу??

[RBK]

Холын бүдэгхэн цагийн
Хонины нэхийн өлгий чи
Энэ хорвоод юуг шүтдэг юм бэ гэж
Эзнээсээ одоо асуу
Тохойн чинээхэн нялх уед минь
Толгойн дээр зүүлттэй байсан
Эсгийгээр хайчилсан үнэг чи
Эзнээсээ одоо асуу
Шүтлэгтэн биш гэлээ ч би
Шүтдэг ганцхан шүтээнтэй
Огторгуй тэнгэрт би шүтдэггүй
Одон гаригт би шүтдэггүй
Омголон догшин байгалийн сүрт үзэгдэлд би шүтдэггуй
Олны хэл ам, хараал ерөөлд би шүтдэггүй
Нүд аньж хувь тавиланг би шүтдэггүй
Нүгэл буян, бурхан чөтгөрийг ч шүтдэггүй
Би эмэгтэй хүнийг шүтдэг
Би эх хүнийг шүтдэг
Би ээжийгээ шүтдэг
Би гагцхүү би гэдэг дотоод сэтгэлийг минь
Биеийг минь, хүчин чадлыг минь
Биштэд итгэх итгэлийг минь бүтээсэн
Аугаа их тэр уран хүнд
Амьд баримал, амьд зураг, амьд дууг бүтээж
Бурхан багшаас ч ид чадлаараа давсан
Буурал үстэй бяцхан эмгэний өмнө
Өөрийн эрхгүй өвдөг сөхөрнөм.
Он цаг, хүмүүс хоёрыг бүрхэг байх үеэр
Онгон элгэндээ намайг тэвэрч өсгөсөн юм ижий минь
Онгойж үлдсэн аавын минь орон дээр
Яруу найргийг бүүвэйлж өсгөсөн юм ижий минь.
Учирсан бэрхийн өмнө унаж сөгдөлгүй
Улирсан сар жилүүдийн хойноос уйлж унжилгүй
Хэлхээ сувдан нулимсаа бүүвэйн дуу болгож
Хэнтий нутгийн боржигон тал дунд
Айлын ганц багана болж явахдаа энэ хүн
Арай ч ийм эмгэн байгаагүй юм
Өнөө харахнээ намрын навч шиг
Өчүүхэн шар эмгэн.
Намрын навч шиг өчүүхэн шар эмгэн
Намрын навч шиг биш хаврын цэцэг шиг
Найган дэлгэрч явсан юм
Найган дэлгэрч явсан хаврын цэцгийг хаврын цэцэг байхад
Наян нэгэн сүлжээ хархан гэзэг нь одоогийн бүсгүйн булчин шиг байхад
Нас нь залуу шүд нь бүрэн ухаан нь саруулхан байхад
Нар шиг залуус сар шиг гэрэлд нь эрвээхэй шиг эргэж хоргож байхад
Алтан дэлхийн бүсгүй хүний
Адармаатайхан хувь заяа
Ард гаралтай энэ хүнээр
Арай хатуу тоглосон юм
Гал цог шиг залуу насны
Ган төмөр шиг бие цогцос
Ганган үзэмж, онгон хайрыг
Гар таталгүй хайрласан мөртлөө
Хамтад нь бас хар толгойг нь цагаан болтол нь
Хайрын сэтгэлээр үүрд өнчрөх
Хатуу тавилан заяасан байна
Эс танихаас панзчин шиг
Эрхэм дотноос архичин шиг
Элдэвтэй хорвоо миний ижийгийн
Элэг зүрх рүү цөм өшиглөж
Эрийг нь булааж, гэрийг нь хоослоод
Энхрий үрсийг нь тэврүүлээд
Ээрэм талын хөдөөгийн нэгэн өвөлжөөнд
Эргэн харалгүй орхисон байна.
Цаг өөр байж
Цагаан гурил үйтэн хуарнаас үнэтэй байж
Цай алт шиг, талх мөнгө шиг байж
Цатгалан панзчид эзэн хаан шиг байж
Бугуйвч бөгжнийх нь оронд
Будааг шанагаар биш ширхэгээр нь тоолох дөхөж байж
Ээмэг даруулганы нь оронд
Эрээн даавууг уртаар нь биш утсаар нь хэмжих шахаж байж
Тэгэвч Монгол хүний сайхан сэтгэлийг тэр дайн
Цуст шанагаараа хэмжиж чадаагүй юм
Тэвчээр, эхийн итгэл хоёрыг
Тэр жилүүд шуугиант зээл дээрээ худалдаж амжаагүй юм
Эрчүүдийн худал үнэн үгэнд итгэж
Эрдэнэ болсон залуу насаа худалдаа нь үгүй ижий минь
Хуруугаа цоортол, нуруугаа бөхийтел ажил хийж
Эргэх дөрвөн улиралд орон гэрээ ганцаараа тэжээсэн юм.
Хүйтэн харанхуй шөнө хотны захад чоно улихад
Хүүхдүүдээ айлгахгүй юм шүү гэхдээ өөрөө айгаагүй юм шиг дүр үзүүлж
Сүх барин сууж
Тэсэхэд бэрх салхи шуурганаар жагтагнаасаа зуурч
Тэнгэр ниргэсэн ширүүн мөндөрнөөр үр хүүхдээ харамлан халхалж
Тэмээгээр орон газар очин чихэр авчирч
Тэр жилүүдэд биднийг юугаар ч дутаалгүй хүн болгосон юм
Бид инээж баясаж, хөөрч элэг бүтэн өсөцгөөсөн юм
Биднээс нуугдаж харин хааяа ижий минь уйлж биднийг хүн болгосон юм.
Ээжийнхээ зовлонг мэдэхгүй бид байн байн л аавыгаа нэхэж
Элэг зүрхнийх нь шархыг урж, хөндөж хүн болсон юм
Гэвч амьдралд өвдөг сөхрөлгүй
Гэрийнхээ ганц алтан багана болж
Гэрэлт хөшөө мэт бат зогсож чадсан юм ижий минь.
Одоо больж дээ зайлуул
Ой ухаан нь уймраа, аймхай болж
Олон үгтэй, амархан баярладаг, амархан гомддог болж
Оочсон цайндаа цацдаг, үмхсэн хоолондоо зогисдог болж
Үг хэлэхээр буруу дуулаад л хатуурдаг болж
Үнс бужигнуулж зуухны өмнө хөөрдөг болж
Үүлэн сүүдэр дайрахад даардаг болчихож
Үдийн цай холдохыг даадаггүй болчихож.
Ийм хүн байгаагүй юм шүү дээ гэж
Ижийгийн тухай бүх хүн ярина
Ийм хүн байгаагүй нь үнээн
Ийм болгосон хүн нь би байна.
Гэвч чи намайг ийм болгосон шүү гэж
Гэмлэж зэмлэж нэг ч удаа хэлээ нь үгүй
Тэнгэр шиг уужим тэвчээртэйд нь
Тэнгис шиг гүн нинжин сэтгэлтэйд нь
Эгэлийн эгэл энэ хүнийг би шүтдэг юм.
Энхрий сэтгэлтэн олончиг надад миний ижий шиг байгаа ч билүү
Эх хүн олончиг намайг миний ижий шиг хайрлаа ч билүү
Эр бие эндэж тэнгэрт тулмаар хэрэг дэгдээвч
Эрх багынх шиг минь уучланхан суудаг
Эвдэрч хүний нүдний булай болсон ч
Эвий дээ эрдэнэ мэт үр минь хэмээн энхрийлэн байдаг
Энэ миний шүтээн.
Өсөхөөс өдий болтол өвдөг сөхрөөгуй
Өнө мөнх миний ганц шүтээн
Өнөөдөр намрын навч шиг болсон
Өчүүхэн шар эмгэн ижий минь миний шүтээн.
Өөр би юуг шүтэх юм бэ?