Captain wrote:яг юунаас болоод ингэж үймээн гаргаж байгаан ?
энэ бол улс төрчид спортыг өөрийн зорилгодоо буруугаар ашиглах гэж оролдож ирсний нэг илрэл болж байна...
бүүр дээр үед алдарт Уинстон Черчилль Балканы хойгийг Европын *дарьтай торх* хэмээн нэрлэж байсан нь зөвхөн улс төртэй ч холбоогүй байж гэдэг нь харагдлаа.
Сербийн фанатуудын гаргадаг зэрлэг балмад авир, үйл ажиллагаанууд анхных бөгөөд эцсийнх ч бас бишээ...Белградын дерби буюу "Партизан" - "Црвена Звезда" 2-ын тоглолт дэлхийд хамгийн аюултай ривалуудын нэгэнд тооцогддог. Тоглолт болох өдөр цагдаагийн нэмэгдэл хүч гаргадаг ч тэр өдөр шаардлагагүй бол гадагшаа гарахгүй нь дээр гэдгийг белградчууд мэддэг гэнэ.
сүүлийн үед тэдний дотоодын энэ *зүггүйтэл* даамжирч хөгшин Европыг нэлээн хэдэн удаа цочоогоод байгаа юм. 2009 оны 8 сард "Црвена Звезда"-гийн фанууд Евролигийн тоглолтонд Прагийн "Славиа"-тай тоглох тоглолтонд ирэхдээ Прагийг нэлээн түйвээж хавь ойрын хүмүүс рүү пивний шил шидэн,киоскийн шил, витрин хагалаад зогсохгүй цагдаа нартай *тулалдаж* 150 хүн баривчлагдсанаар дуусч байж...
дараа нь 2010 оны 5 сард Австрийн Клагенфуртед шигшээ баг нь дэлхийн аваргад бэлдэж байхдаа Шинэ Зеландын багтай нөхөрсөг тоглож 0:1-ээр хожигдож эхэлхэд үзэгчдийн суудалд янз бүрийн шатах тэсрэх зүйлс асааж дэлбэлээд зогсохгүй талбай руу гарч тоглолтонд саад болохыг оролджээ...уурссан фанатуудыг багийн ахлагч Н.Видич тайвшруулж *аргадсан* юм байна.
Генуяд замбараагүй үйл явдал тоглолт эхлэхээс бүүр өмнө эхэлж...Сербийн хэсэг фанууд / "Црвены Звезды"-ийн фанууд гэдэг нь ойлгомжтой... / багийн автобус ирэхэд хаалгач Владимир Стойкович руу дайрч хэд хэд цохиж авсан байна... энэ нь түүнийг шинэ улирлын эхэнд заналт дайсан "Партизан"-д ирсэнд нь дургүйцэж байгаагаа илэрхийлж байгаа хэлбэр нь юм.
*...тэрээр маш их цочролд орсон, шокын байдалтай Италийн багийн хувцас солих өрөөнд сууж байсан...* гэж Италийн багийн дасгалжуулагч Ч.Пранделли сэтгүүлчдэд ярьжээ...В.Стойковичыг тэндээс шууд эмнэлэг рүү хүргэсэн байна.
Пранделли нэмж хэлэхдээ *...тэр үед бараг Сербийн багийнхан фанууд нь тоглолтыг үймүүлэх гэж байгааг мэдэрч байсан байх...*гэж.
дараа нь стадионд тэд тэсрэх бодис дэлбэлж талбай руу шидэн, сандал суудлууд хугалаад зогсохгүй пластик хаалтуудыг эвдэлж эхэлжээ...
тэд энэ удаа нэлээн бэлтгэл сайтай ирсэн нь тор таслагч багаж зэргээр зэвсэглэсэн байснаас нь тодорхой харагдаж байна...дараа нь тэд Албанийн далбааг шатааж, төрийнхөө дуулал эгшиглэх үед шүгэлдэж бүүлж байв...
Шотланд шүүгч Крэйг Томсон тоглолтыг 15 минутаар хоцорч эхлүүлсэн ч 6-хан минутын дараа тоглолтыг зогсоох шийдвэр гаргахаас өөр аргагүй болж...Сербийн багийнханы уурссан фануудыг тайвшруулах гэсэн оролдлого ч бүтэлгүйтэв...
Италийн багийн хаалгач Эмилианө Вивиано хэлэхдээ *...би байнга эргэж харж байсан, яагаад гэвэл яг манай хаалганы хойно байсан тэдний шатааж талбай руу шидсэн галтай тэсрэх бодисонд оногдчихгүй юмсан л гэж бодож байлаа...* гэжээ.
Сербийн багийн ахлагч Деян Станкович нүдэндээ нулимстайгаар Италийн багийн хувцас солих өрөөнд орж тэднээс уучлалт гуйсан байна.
хөөрсөн фанатууд цагдаа нартай мөргөлдөж 17 хүн баригдан 16 хүн эмнэлгийн тусламж авчээ.
уул нь тоглолтыг зохион байгуулагчид энэ тоглолтыг түрүүчийн хагас сайн өдөр Афганистанд амь үрэгдсэн Италийн 4 цэргийн гэгээн дурсгалд зориулахаар төлөвлөж байсан бөгөөд тэдэнд зориулсан баннерууд хүртэл бэлдсэн байж...Италийн багийнхан гартаа гашуудлын хар туузтай тоглолтонд гарсан боловч Сербийн хулиганууд энэ орой *тусгай программ* бэлдсэн байсныг мэдсэнгүй...сербийн "Политика" сонины сурвалжлагч И.Цветкович хэлэхдээ *...энэ проблем хэдэн арван жил үргэлжилж байгаа юмаа...гол шалтгаан нь улс төрийн намууд фанатуудын бүлэглэлүүдтэй хэтэрхий *дотноссон*-той холбоотой...ийм учраас стадионд Сербийг Европын холбоонд элсэхийг эсэргүүцсэн болон Косовогийн талаарх гэх мэт улс төрийн утга агуулгатай баннэрүүд байнга үзэгдэж, Албанийн далбаагаар туг тахих нь олонтаа давтагдаж байгаа...* гэсэн байна.
Сербиин шигшээд хамгийн олон удаа тоглосон нэртэй довтлогч Саво Милошевич хүртэл "Улс төрчид фанатуудад нөлөөлж байгаа бөгөөд үүнд төр засаг анхаарлаа хандуулж арга хэмжээ авах цаг болсон... " гэжээ.
иймэрхүү вандалист арга хэмжээ нь эртнээс зохион байгуулагдсан байдаг бөгөөд хэн нэгэн спонсорлодог нь ойлгомжтой...вандалуудыг "Црвена Звезда"-гийн фанууд тэргүүлж байгаа бөгөөд тэдний дургүйцлийг төрүүлж буй бас нэг зүйл нь "Партизан"-ы ерөнхийлөгч байсан, одоо Сербийн хөлбөмбөгийн холбоог толгойлж байгаа Каражич юм... сүүлийн 3 жил "Партизан"-ы түрүүлж буйг түүнтэй холбоотой гэж харддаг юм байна.
Сербийн холбогдох байгууллагууд 14 бүлэглэлийг хууль бусных гэж үзэхээр санаачлага гаргасны дотор "Црвены Звезда", "Партизан" болон бусад багийн фанатууд оржээ.
энэхүү замбараагүй явдлыг голлон зохион байгуулсан гэж үзэж байгаа Иван Богдановыг стадионоос хөдөлж байсан хөгжөөн дэмжигчдийг суулгасан автобусны багажинд нуугдсан байхад нь баривчилсан байна.
Богданов нь цэргийн хүн бөгөөд Сербийн армид алба хааж, байлдааны утаа үнэрлэсэн *хүнд гар* гэнэ.
спорт экспресс.