М.Саруул-Эрдэнэ дэлгэцээс сурвалжлав.
2005 оны 12 сарын 09 Герман, Лайпциг
sport.tsahimurtuu.mn
Энэ єдєр, энэ цагт дэлхийн спорт сонирхогчдын анхаарал Германы Лайпциг хотноо тєвлєрч байна. Бємбєрцгийн тэргvvлэгч спорт болох хєлбємбєгийн “Дэлхийн цом” буюу манайхны нэрлэдгээр “ДАШТ”-ний хэсгийн тоглолтын сугалаа энд болж байгаа болохоор тэр. Улс улсын 1650 сурвалжлагч ирж, дэлхий дахины 350 сая хvн энэ vйл ажиллагааг шууд vзэж байна.
Хэсгийг ахлах багуудын хувьд Холландыг эс тооцвол элдэв гомдол санал гараангvй. Холландчууд урьдчилсан тоглолтдоо нэг ч хожигдоогvй, бас ФИФА-гийн чансаагаар 3-т жагсаж байсан тул хамгийн сvvлчийн тоглолтдоо арайхийн хожиж байж шалгарсан Францын оронд байх ёстой байсан юм хэмээж байв. Гэхдээ нэрт Ван Бастен шударга загнаж, “Уйлаад байх хэрэггvй ээ, бид 2002 оны Дэлхийн Цомд ороо ч vгvй юм чинь” хэмээсэн байна. Ингээд Лайпцигт хvрэлцэн ирсэн топ багуудын дасгалжуулагчид болон тоглогчид хэнээс эмээж байгаагаа нуулгvй ярьж байснаас сонирхуулахад:
Франц Бэккэнбауэр, ерєнхий зохион байгуулагч: Холланд, Чех 2 л эвгvй дээ.
М.Баллак, Германы ахлагч: Бvгд л Холланд, Чех хоёроос болгоомжлох юм. Герман сайн багтай сайн, муу багтай муу тоглоод байдаг. Шууд сайн багтай л таарвал зvгээр юм. (Їнэхээр Герман ноднин Бразил, Аргентина, Франц, Холландтай их сайн, Хятад, Турк, Словактай их муу тоглосон. М.С.)
Луис Арагонес, Испани: Ерєєсєє хєлбємбєгт аз л их чухал байдаг. Цаасан дээр харахад хэцvv гэдгvvд нь амархан, амархан санагддагууд нь хэцvv байдаг юм. Тиймээс хэн ч ялгаа алга.
Илия Петкович, Серби-Монтенэгро: Бразилитай таарчих юм сан. Энэ бол нэр хvндийн асуудал.
Карлос Билардо, Аргентина 1986: Аварга болж мэдэх багууд бол Герман, Англи, Аргентин, Бразил.
Рэймонд Домэнэк, Франц: Их сайн хэсэгт орчхоод хамаагvй эрт гэртээ харьж байсан тохиолдол ч бидэнд бий шvv. (2002 оныг хэлж байна. М.С.)
Свэн Горан Эрикксон, Англи: Англиар ярьдаг улсуудаасаа эмээж байна. Австрали Англи 2 олон спортын жилийн єрсєлдєєн, єстэй улс. Тэд биднийг хожихын тулд улайрна. АНУ бол хэлцэж буй хэсэг дотроо хамгийн чанга нь.
Жеральд Асамоа, Ганад тєрсєн Германы довтлогч: Ганатай л хэсгийн тоглолтод таармааргvй байна. Хоёул шалгарчаад дараа нь тогловол ч яахав.
Зико, Японы дасгалжуулагч, Бразилийн од: Ер нь Бразил л бусдаасаа илvv. Бусад багууд бvгд адил. Япон хэнтэй нь ч тоглож чадна.
Берти Фогтс, Шотландын дасгалжуулагч, Германы од: Бvгдийн айгаад байгаа Холланд бус Эквадор мэтийн байнга доогуур vнэлэгддэг, битvv багууд л хэцvv байдаг юм даа.
Луис Фэрнандо Суарэс, Эквадор: Бид урьдчилсан тоглолтдоо Бразил, Аргентинаг хожсон. Тиймээс хэнээс ч айхгvй байна.
Алан Саттэр, Швейцарын од: Дэлхийн цомын нээлтийн тоглолт vнэхээр сайхан. Шууд Германтай таараад хамгийн анх талбайд гарах сан.
Лео Беенхаккэр, Тринадад Тобаго: Бємбєг бєєрєнхий. Хєлбємбєгт боломжгvй юм гэж vгvй. Хамгийн сайн баг ойчоод єгч болно. Хамгийн муу баг гарамгай амжилт vзvvлж болно. Хєлбємбєг бол бодоод гаргачих математик биш. Т+ Т алаад єгнє єє.
Сугалаанд оролцож буй бvх одод энэ vйл ажиллагааг vнэхээр сайхан болж байгааг, Лайпцигт гайхалтай сайхан уур амьсгал бvрдсэнийг єгvvлж байв. Энэ хот Иоханн Себьястан Бах, Гёте, Вагнер, Иоханн Волфганг нарыг тєрvvлсэн хот билээ.
Сугалааг гардан vйлдэхээр ирсэн оддыг танилцуулбал: Иоханн Круйфф, Лотар Маттеус, Рожэ Милла, Лукас Радебэ, Масаши Накаяма, Коби Жонэс, Пеле, Кристиан Карамбэу. Їнэхээр сайхан баг бvрджээ.
Тэднээс гадна танхим дотор дэлхийн хєлбємбєгийн аваргууд сууж харагдана. Сугалаа эхлэхээс бvр 6 цагийн ємнє Ван Бастэн, Увэ Зеелер нар орж ирж анхны зочид болсон бол ганцхан минутын ємнє Рvди Феллер, Карлос Пэррэйра нар орж ирж байраа эзлэв.
Германы ерєнхийлєгч Хорст Колер, ФИФА-гийн ерєнхийлєгч Зэпп Блаттер нар нээж vг хэлцгээлээ. “Тоглолтоо улам уран гоё болгоцгооё, дэлхий ертєнцийг ч уран гоё болгоцгооё”. Зэпп Блаттэрийн энэ vг сэтгэл хєдєлгєж орхив. Дараа нь Бразилийн Хєлбємбєгийн Холбооны Ерєнхийлєгч, Германы Хєлбємбєгийн босст “Алтан цом”-ыг гардуулан єгєв. Цом ямар vзэсгэлэнтэй харагдана вэ, Коста Рикагийн дасгалжуулагч энэ vед “Ээ дээ, энэ хоёр багтай л (Бразил, Герман) таарахгvй юм шvv. Нэгэнтэй нь шигшээд л таарвал сайхан даа” хэмээн дуу алдав. Ингээд бvх ёслолыг наг бvрчлэн тоочиж таны цагийг бараад яах вэ. Шууд л эцсийн дvнг танилцуулсу.
А. Герман, Коста Рика, Польш, Эквадор
В. Англи, Парагвай, Тринадад Тобаго, Швед
С. Аргентин, Зааны Ясан Эрэг, Серб-Монтэнегро, Холланд
D. Мексик, Иран, Ангол, Португал
E. Итали, Гана, АНУ, Чех
F. Бразил, Хорват, Австрали , Япон
G. Франц, Швейцар, Солонгос, Того
H. Испани, Украйн, Тунис, Саудын Араб
Дэлхийн аваргын нээлтийн тоглолтод Герман-Коста Рика хvч vзэхээр боллоо. Энэ хэсэг нэлээд чанга боллоо. Польш, Эквадор хоёр ч эвгvй дээ. Японы дасаглжуулагч Зико айгаад байсан Бразилтайгаа сайхан таарлаа даа. Эртний єст, 78 оны дэлхийн аваргын тєлєє хvч vзэж байсан Холланд, Аргентин хоёр нэг хэсэгт. Дээр нь Европын бас нэг баг – Серб байж байдаг. Гэхдээ явж явж хамгийн эвгvй хэсэг бол Е болж таарах нь. Итали, Гана, Чех, АНУ дєрвийн аль хоёр нь цааш гарах боломжтой. Франц, Швейцар хоёр урьдчилсан тоглолтод таарсан, дахиад л хvч vзэх нь гээч. Свэн Горан Эрикксон Зикогийн адил, єєрийн нутаг нэгт Шведvvдийн эсрэг тоглох нь ээ.