by poseidon » Sun Jun 20, 2010 11:40 am
Барсагийн бөгөөд Испанийн шигшээ багийн довтлогч Педро Родригесийн хувийн амьдралийн талаарх сонирхолтой ярилцлага EFE сонинд гарчээ. Хэдийгээр түүний баг сая Швейцарийн шигшээд хожигдоод байгаа ч бүх зүйл дуусаагүй байгаа билээ. Энэхүү ярилцлага нь ихэвчлэн хөлбөмбөгөөс гадуурх амьдралд нь чиглэсэн байна.
Ямар төрлийн хөгжим сонсдог вэ?
Өө их олон төрлийнх. Би ерөнхийдөө Бисболл, Мана (Мексик) гэх мэт хамтлагуудын дуунуудыг түлхүү сонсдог байх. Бүх төрлийн хөгжим сонсдог ч гэлээ Электро, Рэгги хэв маягийг илүүд үздэг.
Хамгийн дуртай дуу чинь юу вэ?
Maná - ’Mariposa Traicionera.’ (Тэрслүү эрвээхий)
Кино?
Кино..."Сураггүй бологсод" (Lost) манай багийнхан тэр чигээрээ үздэг. Үнэхээр сонирхолтой.
Компьютер тоглох дуртай юу?
Тэгэлгүй яахав. Про Эволюшн тоглодог. (Би ч гэсэн хаха)
Таны сайн чанар?
Хүмүүс намайг номхон дөлгөөн гэж дүгнэдэг. Миний хувьд бол нөхөрсөг юм болов уу?
Тэгвэл хамгийн сул тал?
Магадгүй ичимхий байдал байх
Мухар сүсэгтэй юу?
Талбайд гарахдаа өөрийгөө заавал загалмайлдаг.
Дуртай хоол?
Паста бас будаа. Энэ бол миний хоолны цэсэнд заавал байдаг. Ээж надад хоол бэлдэхдээ агшаасан будаа, төмс, давсалсан загас оруулдаг.
Өөр ямар спортод дуртай вэ?
Теннис. Рафаэль Надалийг шүтдэг.
Хамгийн анхны өмсгөл чинь аль багийнх байсан бэ?
Барсагийнх. Миний ах Жонатаны шүтдэг клуб нь Барса байсан. Тэр үргэлж л надаас илүү Барсаг дэмждэг.
Амьдралын чинь мартагдашгүй эгшин юу байв?
Барсад дебютээ хийсэн явдал. Тэр үе маш гайхалтай, итгэмээргүй, онцгой байсан. Би хэзээ ч мартахгүй. Франк (Райкаард) намайг нэгдүгээр багт дебют хийлгэснийг мартах аргагүй.
Хамгийн сүүлд хэзээ уйлсан бэ?
Интерийн эсрэг тоглоод Аваргуудын лигээс хасагдахад уйлсан. Их хэцүү байсан. Бүлх залгичихсан юм шиг. Хэдэн дусал нулимас унагасан.
Юунд хамгийн дургүй вэ?
Худал хэлэхэд
Дэлхийн цомын анхны дурсамж?
Франц 98-ыг телевизээр үзсэн нь анхных юм уу даа. Зиданы финалд хийсэн гоолуудыг санаж байна. Тэрнээс хойш би ингэж амьдрахыг хүсэх болсон.
Шүтээн?
Барсад байсан Ривалдо. Бас Луйс Энрикэ, Гуардиола нар. Гэхдээ хамгийн их биширдэг нь Ривалдо. Харин одоо тоглож байгаагаас Мэсси, Чави, Иниеста нар.