Төрсөн огноо : 1984-06-08 (Нас 24)
Төрсөн газар : San Lorenzo, Santa Fe, Argentina
Өндөр : 1.70 m
Байрлал : ДМ
Тоглож байсан багууд :
2003-2005 Ривер Плеит (Аргентин) 46 (0)
2005-2006 Коринтианс (Бразил) 17 (0)
2006-2007 Вэст Хэм (англи) 5 (0)
2007 оноос Ливерпуль (англи) 39 (1)
Аргентиний шигшээ багт 2003 оноос 46 тоглолтонд оролцож 2 гоол оруулсан.
Амжилтууд :
Аргтентиний лигийн аварга 2003-2004
Brasileirão лигийн аварга - 2005
Олимпийн аварга - 2004 ,2008Бяцхан АхмадОрчин үеийн хөлбөмбөгт ДМ буюу хамгаалах-хагас хамгаалагчдийн үүрэг маш их болсон. Тэд эсрэг багийн довтолгоог зогсоож , бөмбөг таслах үүрэгтэй бөгөөд дээрээс нь үүнийгээ маш цэвэрхэн хийх шаардлагатай болдог. Нэг үгээр тоглолтын хамаг хүндийг үүрдэг гэсэн үг.
Ер нь тоглогчдоос их ур чадвар , авхаалж самбаа шаарддаг энэ байрлалд амжилт гаргана гэдэг тийм ч амар биш.
Өнөөдөр Женнаро Гаттузо , Макелеле , Камбиассо , Виера гээд олон шилдэг ДМ -үүд тоглож байгаа ч хамгийн шилдэг нь Ливерпулийн Машерано гэчихвэл нэг их буруудахгүй болов уу. Аргентиний хөлбөмбөгийн домог Хорхе Валдано нэгэнтээ '’
Машерано бол дэлхийн хамгийн шилдэг төвийн хагас. Түүнийг талбайд байгаа үед ямар ч дасгалжуулагч 'тайван унтаж' болно’’хэмээсэн удаатай. Барагтай бол хүн магтдаггүй энэ алдарт хүний үг ч нэгийг өгүүлнэ.
Талбайн төвд Маше цэвэрхэн такль хийж , төвийн хамгаалагчдийн ачааллыг бууруулахаас гадна түүний нэг үнэлүүштэй чадвар бол дамжуулалт. Эсрэг багийн довтолгоог зогсоогоод эргээд талбайн төвөөс бөмбөгийг гайхалтай удирдаж довтолгоонд үнэтэй хувь нэмэр оруулдаг энэ авьяасынх нь ачаар Ливерпуль олон тоглолтонд ялалт байгуулж байгаа. Цаашид ч байгуулсаар байна биз.
Ингээд түүний алдрын оргилд хүрсэн замналаас нь сонирхоё.
Шинэ РедондоТүүх сөхөж үзвэл Аргентиний ихэнх сод авьяастнууд Буеинэс Айресийн хоёр супер клуб болох Бока Хуниорс, Ривер Плеит багуудаас төрж гарсан байдаг.
Машерано ч 'энэ жишгээс' гажсангүй. Түүний эцэг Ривер Плеитийн үнэнч фанат байсан бөгөөд хүүгээ дэмждэг клубтээ суралцуулахаар өгчээ.
Ривер бол том клуб. Аргентиний өнцөг булан бүрээс сайн хүүхдүүд тэнд суралцахаар ирдэг болохоор өөрийгөө харуулна гэдэг амархан байхгүй нь тодорхой.
Харин Машерано –д энэ бүхэн тийм ч хүнд байсангүй. Төрөлхийн авьяастай тэрээр дорхноо л дасгалжуулагчийнхаа анхаарлыг татаж 'ирээдүйтэй хүү' гэгдэх болсон байна.
Тэр үеийнхээ талаар Маше ‘’
Ривер -н академд би олон зүйл сурсан. Зөвхөн яаж бөмбөг эзэмших , тоглох талаар ч биш ертөнцийг үзэх үзэл , бодол санаа минь тэнд л төлөвшсөн' хэмээжээ.
Ер нь шинээр гарч ирж буй сод авьяастнаа Аргентинчууд ‘дараачийн Марадона гэж цоллодог нь нууц биш.. Яагаад ч юм Марадона шиг гайхамшгийг бүтээж , ард түмнээ баярлуулах хүүг гарч ирээсэй хүсдэг болохоор тэр биз.
Харин Машерано -н хувьд дундын шугаманд тоглодог , тэгээд ч тоглолтын стиль нь ‘’эль диезээс’’ огт өөр учир Редондо , Семеона нартай зүйрлэж байлаа. Нас бага гэлтгүй маш хурдан сэтгэж , ухаалаг тоглодог Машерано -г мэргэжилтнүүд дороо л анзаарч , анхааралдаа авчээ. Түүний хувьд хамгийн анх оролцсон том тэмцээн нь 17 хүртэлх настны залуучуудын ДАШТ.
Хэдийгээр Аргентинчууд энэ тэмцээнд 4-р байр эзэлсэн ч Тевез , Маше тэргүүтэй нэгэн шинэ үе гарч ирж байна гэдгийг мэдрүүлсэн гэж хэлж болно.
2003 онд болсон Залуучуудын ДАШТ -р энэ бүр ч тодорхой харагдсан.Машерано тэмцээний турш гайхалтай тоглолтыг үзүүлэн , багийн ноён нуруу болж байлаа. Харамсалтай нь бас л амжилт гаргасангүй. Гэхдээ энэ бол түр зуурын л хэрэг байжээ. Дараа жил нь Афиний олимпод тэд хэн гэдгээ жинхэнэ мэдрүүлж , Коста Рика , Итали ,Парагвайн - н залуусыг ээлж дараалан буулгаж авсаар Олимпийн аварга хэмээх эрхэм хүндтэй цолыг хүртсэн юм. Нэр алдартай байна гэдэг нэг талаар сайхан ч нөгөө талаар хэцүү гэдэг. Машерано ч энэ зовлонгийн зах зухаас мэдэрч эхэллээ.
Ер нь олимпоос хойш түүнийг гэх багууд олширч , европын агентууд Буэйнэс_Айрес хавиар эргэлдэх болсон юм. Нэг л өдөр Европт очих нь тодорхой ч , тэр явах гэж нэг их яарсангүй. Энэ үед Коринтианс гарч ирлээ.
Бразилд ирсэн ньХэдийгээр хил залгаа оршдог ч Аргентин тоглогч , Бразилд очих нь их ховор байдаг. Яагаад гэдгийг хоёр улсын ногоон талбай дахь олон жилийн өрсөлдөөнтэй холбон талбарлаж болох юм. Аргентин , бразил фанатуудад нэг нэгэндээ таагүй ханддаг тийм үзэл нэвт шингээстэй байдаг. Харин энэ үзлийг зөөллөж , цаашид олон тамирчид солилцох замыг зассан үйл явдал 2005 оны 7 сард болжээ.
Сан Паулугийн Коринтианс клубын эмэмшигч Киа Журабьян гэгч нөхөр , тэр зун нилээдгүй мөнгө зарж багаа хүчирхэгжүүсэн бөгөөд Аргентинаас Тевез , Машерано хоёрыг авчирсан байна. Журабьяны хувьд хожим энэ хоёр тоглогчыг Англид авчрахад ч их нөлөөлсөн хүн гэдэг.
Аргентин хослолыг ирсэн тэрхүү улиралд Коринтианс лигтээ түрүүлсэн ч , үүнд нь Маше -н оролцоо байгаагүй гэж хэлж болно. Учир нь дөнгөж ирэнгүүтээ л тэр зүүн хөлдөө хүнд бэртэл авчихсан аж. Бараг зургаан сар бэртлээ эдгээсэн тэрээр 2006 оны 3 сард эргэн ирсэн бөгөөд эрчимтэй бэлтгэл хийсний хүчинд урьдын формондоо орж чадсан байна. Ингэхээс ч өөр арга байгаагүй.
Гуравхан сарын дараа Герман 2006 ДАШТ эхлэх гэж байсан юм чинь.
ДАШТ –дХөлбөмбөгч хүн бүрийн хүсэл мөрөөдөл болсон ДАШТ , түүний хувьд үнэхээр гайхалтай өрнөсөн гэдгийг онцлох нь зүйтэй. Ердөө 22хан настай гэхэд тэр үнэхээр сүрдмээр тоглолттыг тэр үзүүлж байлаа. Тэмцээний турш шигшээнхээ ноён нуруу болж , ганц ч тоглолт алгасалгүй , ганц ч минут сэлгээнд суугаагүй нь үүнийг гэрчилнэ. Харамсалтай нь Цагаан-цэнхэрүүд бас л азгүйтэж , талбайн эздэд пеналтиар дийлдсэн билээ. Ингээд тэр гэртээ харилаа.
Англид ирсэн ньАргентинчуудад Бразилд тоглох нь хүнд байдаг гэж түрүүн хэлсэн. Тэгвэл тэдэнд Премьер лигт очно гэдэг үүнээс ч асуудалтай байдаг нь яах аргагүй үнэн. Хэл ус ,цаг агаарын ялгаанаас гадна хамгийн том саад болдог зүйл нь хоёр улсын таагүй харилцаа. Фолклендийн арлын дайнаас болж нэг нэгэндээ таагүй хандах болсон энэ үзэл одоо ч мэдрэгддэг. Ямар сайндаа Хуан Вероныг 2003 онд МанЮ -д очсоных нь төлөө 'Англи гахай' гэж доромжилж байх вэ дээ. Гэхдээ л энэ мэтчилэн олон саад бэрхшээлийг үл тоон Тевез-Машерано хоёр Англид газардсан л юм даа.
Юу болсныг дэс дараагаар нь өгүүлье.
Германаас тэднийг буцаж ирсний дараа нэг эвгүй явдал тохиолджээ.
Багийнхаа тааруухан амжилтанд уурссан Коринтиансыг хэсэг фенүүд Тевез -н машин руу дайрч үймээн дэгдээсэн байна. Угаасаа Бразилаас залхаж байсан Тевка -н тэвчээр барагдаж шууд л л эндээс явна гэдгээ мэдэгдсэн. Харин Машерано хүнд үед багаа орхихийг хүсээгүй ч , бодож бодож эцэст нь найзтайгаа нэгджээ.
Гэхдээ хаашаа вэ ?
Энэ асуулт олны анхаарлыг хамгийн их татаж байлаа. МанЮ , Реал , Милан , Арсенал гээд 'томчууд' бүгд л тэдэн лүү санаархаж байсан. Машерано италийн паспорттай тиймээс Милан -д ирнэ , МанЮ Рүүдийн оронд Тевез -г авчирна гэсэн үгс энэ тэнд дуулдаж л байлаа. Гэтэл наймааны цонх хаагдахтай зэрэгцэн жинхэнэ шуугиан тарьсан үйл явдал болсон нь Аргентиний хослол Англид иржээ , ирэх ирэхдээ бүр лигийн дундаж баг Уэст Хэмийн өмч болох нь тэр. Мэдээж Алхнуудад хоёрын хоёр ворлд класс тоглогч авах бэнчин байгаагүй нь тодорхой. Дээрээс нь олон шилдэг багуудын хамар дороос , яаж тэднийг ‘’хулгайлав’’ гэдэг асуудал олны анхаарлыг татаж байлаа. Хариулт нь их энгийн.
Маше , Тевез хоёрыг Коринтианст авчирсан MSI - н ерөнхийлөгч Журабьян, тухайн үед Вэст Хэмийг авахаар оролдож байж.. Энэ хүслээ гүйцэлдүүлэхийн тулд тэрээр , Коринтианс багаасаа Тевез , Маше хоёрыг авчраад , дараа нь клубыг авах төлөвлөгөөтэй байж. Бүх зүйл түүний хүссэнээр болж Аргентин залуус Англид газардсан ч , хоёр дахь хүсэл буюу клубыг авах хүсэл нь биелсэнгүй. Тэр оных нь 11 сард хаа байсан Исландийн нэг концерн ‘’Алхнуудын’’ 88 хувийг авчихсан гэж байгаа. За тэр ч яахав , Маше -н талаарх яриандаа эргээд орьё.
Угаасаа улиралыг дажгүй эхлүүлсэн Вэст Хэмийн хувьд энэ наймаа , хоосон сүр дуулианаас өөр юу ч авчраагүй. Тевка хааяа нэг гараанд гараад байсан бол Машерано бол бүр сураг ч байхгүй.
Хойд Лондонд өнгөрүүлсэн хугацаандаа тэр , зургаан удаа л талбайд гарсан нь үүнийг нотолно. Вэс Хэмд байсан үеийнхээ тухай тэрээр ‘’ Өөрийгөө тоглохгүй гэдгийг мэдэж байгаа хэрнээ , өдөр болгон бэлтгэлд ирэх нь надад үнэхээр хүнд байсан.’’ хэмээжээ
Удсан ч үгүй түүний буурь сэлгэх талаарх яриа газар авч эхлэв. Аргентиний шигшээг дасгалжуулж байсан Альфо Басиле 'Машерано тэнд удаан тогтохгүй ээ , уг нь Юве рүү явчихвал их зүгээр юмсан ' гэж мэдэгдсэн нь байдлыг бүр ч даамжируулж орхив.
Бас л нөгөө асуулт , хаашаа вэ ?
Харин энэ удаа хүмүүсээр оньсого таалгах шаардлага байсангүй. Алдарт Хотон шувуунууд түүнийг багтаа урьжээ. Энэ талаар 'Үнэнийг хэлэхэд Ливерпуль намайг сонирхож байгааг сонсоод их балмагдсан шүү , ийм юм болно гэж бодоогүй’’ хэмээн ярьжээ.
Гэхдээ Машерано Ливевпульд ирэх замдаа хөөрхөн 'будилсан' гэдгийг та бүгд мэднэ.
Өвлийн солилцооны цонхоор хийгдэх байсан энэ шилжилт ФИФА -н дүрмэнд харшилж , бүтэхгүйд хүрсэн байна. Учир нь нэг улиралын дотор , тухайн тоглогч хоёроос дээш клубт харьяалагдахийг зөвшөөрдөгүй юм байж.
Машерано өмнө нь Коринтианс , Уэст Хэмд тоглочихсон болохоор Ливерпульд ирж болохгүй гэсэн үг. Ингээд бөөн маргаан дэгдлээ. Уг нь бол ФИФА -н энэ дүрэм ч асуудалтай л байгаа юм. За ямар ч байсан эцсийн эцэст үнэн ялж , Машерано Ливерпулийн бүрэн эрхт гишүүн болсон юм.
Зарим нэг үл итгэгчид , түүний наймааг 'хэрэггүй зүйл' гэлцэж байсан ч , хэдхэн сарын дараа л энэ үгэндээ харамссан нь гарцаагүй. Асар богино хугацааны дотор Машерано , Бенитезийн итгэлийн хүлээж , багаа Аваргуудын лигийн финалд хүрэхэд чухал үүрэг гүйцэтгэсэн юм.
Түүнийг ирсэн цагаас Ливерпулийн дундыг шугам илт хүчирхэгжиж , ямар ч хүчтэй өрсөлдөгчөөс айхааргүй болсон билээ. Ийм ч учраас олон жилийн мөрөөдөл болсон Премьер лигийн цомоо хүртэхэд байг гэх газаргүй болоод байна.
Саяхан өгсөн нэгэн ярилцлагандаа тэрээр
'Бид оролцож буй бүх тэмцээндээ түрүүлх боломжтой , Манайх хүчтэй бүрэлдэхүүнтэй , сайн дасгалжуулагчтай , галзуу фенүүтэй , гайхалтай цэнгэлдэхтэй , тэгэхээр яагаад боломжгүй гэж. Дээрээс нь манайхан бүгдээрээ багийнхаа төлөө сэтгэл зүрхнээсээ тоглодог' гэжээ.
Сул талМаш олон өмнөд Америкийн тоглогчдын карьерыг сүйтгэсэн нэг зүйл бол дэг журам . Тэдэн дунд алдарт Марадона ч багтана. Машерано -н хувьд өөлөөд байх элдэв ааш байхгүй ч , хааяа хааяа уураа барьж чаддаггүй сул талтай.
Олд Траффордод зочилсон эхний тоглолтдоо тэрээр шүүгчтэй маргалдаж ,улаан хуудсаар торгуулсан. Шүүгчийн энэ шийдвэр нь Маше -г ихэд цухалдуулсан бөгөөд , сүүлдээ Бенитез ирж түүнийг талбайгаас гаргахад хүрсэн билээ. Мөн өнгөрсөн есөн сард Траффород зочлоход хуучин найз Тевез дээрээ бүдүүлэг алдаа гаргаж , багагүй шүүмжлүүлсэн. Эдгээрийг эс тооцвол Хавьерийг муулаад байх шалтгаан бага.
Шигшээ багтЕрдөө хорин дөрөвхөн настай ч шигшээ багаа ахалж байгаагаас нь үзвэл түүнийг Аргентиний түүхэнд үлдэх , агуу тоглогч болно гэдэгт эргэлзэх юм алга.
2003 онд Ривер Плеитэд байхдаа тэрээр анх шигшээдээ дуудагдсан бөгөөд одоогоор нийт 46 тоглолтонд оролцоод байна. Цаашид энэ тоо гурван оронтой ч болж мэднэ.
Сонирхуулахад Машерано хоёр олимпод түрүүлсэн цөөхөн Аргентин тамирчдийн нэг юм.
Анх 2004 оны Афиний олимпод магнайлсан бол өнгөрсөн жилийн Бээжингийн наадамд төрийн дууллаа хоёр дахь эгшиглүүлж , дээрхи амжилтанд хүрчээ.
Хувийн амьдралМаше -н хөлбөмбөгөөс гадуурх амьдрал нь их энгийн. Эхнэр охинтойгоо цагийг өнгөрөөж , тайван байх дуртай аж.
Ливерпуль дэх түүний хамгийн сайн найз нь Бенаюн гэнэ. найзийнхаа талаар ''
Уэст Хэмд -д байх хугацаанд тэр надад их туслаж , дэмждэг байсан. Дараа нь түүнийг Ливерпульд ирэх гэж байгааг нь сонсоод их баярлаж билээ''. хэмээжээ.
Jefecito буюу Бяцхан ахлагч гэж түүнийг хочлодог. Ердөө 170хан см өндөр хэдий ч хүчний тулаанд барагтай бол дийлддэггүй , дээрээс нь маш ухаалаг тоглолттой болохоор ийн нэрлэдэг аж.