Moderator: Хөлбөмбөгийн модууд
by FC-EVILS » Thu Sep 28, 2006 6:31 pm
by FC-EVILS » Thu Sep 28, 2006 6:33 pm
by Цогоо » Thu Sep 28, 2006 8:36 pm
FC-EVILS wrote:ЧЕХ
Хөлбөмбөгийн холбоо байгуулагдсан он: 1901
ФИФА-д гишүүнээр элссэн он: 1907
УЕФА-д гишүүнээр элссэн он: 1993
Хаяг: Diskarsk 100 CZ-16900 PRAHA 6
Утас: +420 2 3302 9111
Факс: +420 2 3335 3107
E-mail: cmfs@fotbal.cz
Веб сайт: FOTBAL.CZ
Тоглолтын хувцас: цагаан, улаан
Цэнгэлдэх: “Спарта” /21362 хүний багтаамжтай/, “Страхов” /20000/, “Теплиц” /18500/, “Острава – Базал” /18704/
Холбооны ерөнхийлөгч: Павел Мокри
Ерөнхийлөгчийн орлогч: Властимиль Костал, Иржи Кубишек, Ярослав Васек
Ерөнхий нарийн бичгийн дарга: Петр Фоусек
Хэвлэлийн төлөөлөгч: Даниэль Машо
Ерөнхий дасгалжуулагч: Карел Брюкнер /2002 оноос/
Багийн ахлагч: Томаш Галашек
Анхны тоглолт: Унгар – Чех 2:1 /Будапешт, Унгар, 1903.04.05/, Турк – Чех 1:4 /Стамбул, Турк, 1994.02.23/
Олон бөмбөгний зөрүүтэй хожсон тоглолт: Чех – Андорра 8:1 /Либерец, Чех, 2005.06.04/
Олон бөмбөгний зөрүүтэй хожигдсон тоглолт: Швейцарь – Чех 3:0 /Женев, Швейцарь, 1994.04.20/
ДАШТ-д оролцсон тоо: 8 /1934, 1938, 1954, 1958, 1962, 1970, 1982, 1990/
Амжилт: ДАШТ-ий хошой мөнгөн /1934, 1962/ медальт.
ЕАШТ-ий алт /1976/, мөнгө /1996/, хүрэл медальт /1960, 1980/.
Олимпийн наадмын алт /Москва 1980/, мөнгөн медальт /Токио 1964/.
23 хүртэлх настнуудын Eвропын аварга /1972/.
21 хүртлэх настнуудын ЕАШТ-ий алт /2002/, мөнгөн медальт /2000/.
18 хүртлэх настнуудын ЕАШТ-ий алт /1968/, мөнгөн медальт /2001/.
16 хүртлэх настнуудын ЕАШТ-ий алт /1990/, мөнгөн медальт /2000/.
Хөлбөмбөгийн мэргэжлийн багийн тоо: 3955
Сонирхогчдын багийн тоо: 15378
Хөлбөмбөгчдийн тоо: 625552
Дасгалжуулагчдын тоо: 8247
Шүүгчдийн тоо: 3856
Дээд лигийн нэр: “Гамбринус”
Томоохон клубүүд: “Спарта Прага”, “Славиа Прага”, “Дукла Прага”, “Баник Острова”, “Теплиц”
Чехословакийн хүчирхэг баг түүхэндээ дэлхийн аваргын тэмцээнд хоёронтаа үзүүрлэж байв. 1934 оны шигшээ тоглолтод Пушийн гоолын ачаар талбайн эзэн Италийн багтай 1:1-ээр тэнцэж явсан ч нэмэлт цагт нэг гоол алдчих нь тэр. Удаах мөнгөн медалиа 28 жилийн дараа Чилийн дэлхийн аваргад хүртсэн. Хуучин тивийнхэн эрт нутаг буцацгаасан тэр тэмцээнд чехословакууд Европын багуудаас хамгийн өндөр амжилт гаргаж финалд үлдсэн ч Бразилд дийлдсэн аж. Масопустын ганц гоол юуг ч шийдсэнгүй 1:3-аар хожигджээ. Үүнээс хойш дэлхийн дэвжээнд гялалзсангүй. Харин Европтоо хамгийн хүчирхэг болоод байсан Чехословакийн баг тивийн аварга болон Олимпийн наадмуудад амжилттай оролцож байсныг та энэ улсын шигшээ багийн үзүүлж байсан амжилтуудаас харж болно.
Чехословак 1993 онд Чех, Словак гэж хоёр тусгаар улс болон задарсан билээ. Хуучны шилдэг баг ингээд хоёр сулхан шигшээ болон үлдлээ дээ гэх хүмүүс олон байсан. Словакчууд тэрхэн үед Европтоо томоохон тэмцээнд орж гавиагүй ч Чехийн баг ах нарынхаа гавьяаг нэр төртэй үргэлжлүүлж “Евро 96”-аас мөнгөн медаль хүртсэн юм. Кука, Поборски, Шмицер, Бергер, Недвед нарын залуусаар цус сэлбэсэн Чехийн баг алтан медалийн оосроос атгаад л алдсан. Тивийн аваргын тэмцээний шигшээ тоглолтод Германы багтай үлджээ. Патрик Бергерийн гоол багтаа “Анри Делон”-ы цомыг “/ЕАШТ-ий цом/ авчирч болох байсан ч сэлгээгээр гарч ирсэн немц довтлогч Оливер Бирхофф үндсэн болон нэмэлт цагт хоёр бөмбөг хийснээр тоглолтын хувь заяаг шийдчихсэн юм. Үүнээс хойш Чехийн хөлбөмбөг нэг хэсэгтээ “унтсан”. 1998, 2002 дэлхийн аваргын тэмцээнд ороогүй бол 2000 оны Европын аваргын тэмцээнд хэсгээсээ ч шалгарч чадсангүй.
“Евро 2004”-ын өмнө шинэ дасгалжуулагч Карел Брюкнерээр удирдуулсан Чехийн шигшээ олон жилийн нойрноосоо “сэрэв”. Недвед, Поборски, Шмицер, Коллер нарын хашир туршлагатай тоглогчид дээр Росицки, Барош, Чех нарын авьяслаг залуус нэмэгдсэнээр маш хүчирхэг баг цогцолжээ. Тиймээс ч “Евро 2004”-ын урьдчилсан тоглолтод долоо хожиж, нэг тэнцэн, нэг ч хожигдоогүй юм. Чехүүд сорилго болон нөхөрсөг уулзалт тоглолтуудад Франц, Итали, Голланд зэрэг Европын элит багуудыг өвдөг шороодуулж, тивдээ хамгийн хүчирхэг багаар тодроод байсан ч шигшээ тэмцээнд түрүүлж чадаагүй. Хэсэгтээ Латвийг 2:1-ээр, Голландыг 3:2-оор, Германыг 2:1-ээр хожоод, дунд шөвөгт Данийн жигдхэн багийг 3:0-ээр бут ниргэв. Харамсалтай нь мөнгөн медалийн төлөө тоглолтод Грекийн багт алтан бөмбөгөөр хожигдсон билээ.
ЕАШТ-ий дараа багийн ахлагч Недвед шигшээг орхисон хэдий ч Чехүүд “World Cup 2006”-гийн сорилгод хэсэгтээ ес хожиж, гурав хожигдон хэсгээсээ хоёрдугаар байраар шалгарч нэмэлт тоглолт хийх болсон. Норвегийн багтай хийсэн хүнд хэцүү, хос халз тоглолтод багийн лидер Недвед багтаа эргэн ирснээр ДАШТ-ий сүүлчийн эрхийг өвөртөлж, 16 жилийн дараа дэлхийн дэвжээнд өрсөлдөх болоод байна.
Дэлхийн аваргын өмнө бичиж, сонинд нийтлүүлж байлаа. Зургаан сард тэд яасныг бүгд мэдэж байгаа биз ээ. Недвед, Поборски зодог тайлж, Росицки багийн ахлагч болсон зэргээр энэ багт ихээхэн өөрчлөлт гарчээ.
by FC-EVILS » Fri Sep 29, 2006 10:08 am
by bayarkhuu » Thu Nov 01, 2007 12:31 am
by Lampard » Thu Nov 01, 2007 12:52 am
by *R9* » Thu Nov 01, 2007 10:48 am
by bayarkhuu » Thu Nov 01, 2007 10:39 pm
by barca forever » Thu Nov 01, 2007 10:44 pm
by bayarkhuu » Thu Nov 01, 2007 10:57 pm
by zizu » Thu Mar 20, 2008 11:40 pm
by Nomer 10 » Wed May 28, 2008 8:29 pm
by Г.Баяраа » Sat Jun 21, 2008 7:38 pm
by bayarkhuu » Fri Nov 21, 2008 3:35 am
by bayarkhuu » Fri Nov 21, 2008 3:45 am
by bayarkhuu » Fri Nov 21, 2008 3:52 am
by bayarkhuu » Fri Nov 21, 2008 3:57 am
by bayarkhuu » Fri Nov 21, 2008 4:09 am
by bayarkhuu » Fri Nov 21, 2008 4:34 am
by bayarkhuu » Sun Nov 23, 2008 12:43 am
by bayarkhuu » Mon Nov 24, 2008 6:06 am