Мамбагаа дурсаад ИСПН-ийн Романо Шелбурны нийтлэлийг чадан ядан орчуулав.
Пау Газол, Коби Брайнт ба ахан дүүсийн барилдлагаКоби хүмүүст “надад найзуудад гаргах цаг байхгүй” гэж хэлдэг байсан. Уг нь бол ихэнх хүмүүст байнга ярилцдаг, уулзаж хоол иддэг найзууд байдаг.
Түүний хэлсэн “Найзууд хааяа ирдэг, аваргын үүрд үлддэг” гэсэн лоозон нь брэнд болтлоо хоногшсон юм
Пау ч түүний хэлэхийг сонссоор ирсэн юм.
“Тийм ээ, тэр үргэлж ‘Надад найзуудад гаргах цаг байхгүй. Би амжилтанд хүрэх гээд, хамгийн шилдэг нь болох гээд завгүй байна. Надад мэдрэмтгий зүйлд цаг зав алга’ гэдэг байсан” гэж Гасол хэлсэн. "Тэр үүнийгээ хаа ч хэлэх байсан, үүнд ч зарим нэг үнэн байсан. Гэвч ..."
Газол үнэнийг мэдэж байсан юм.
Ийнхүү шийдэмгий ярьдаг эрийн цаана Паугийн дуудлага бүрийг авах 4 охины эцэг хүн байв.
"Тэр бол миний амьдралд тохиолдсон том ахтай хамгийн дөхөх хүн" гэж Гасол хэлэв.
Тэд карьерийнхаа сүүлийн жилүүдэд эсвэл Кобиг НБЭ-аас зодог тайлсны дараа уулзахдаа селфи хийгээд байдаггүй байв. Тэдний харилцаа хэр дотно байсныг илтгэх цор ганц ул мөр нь Твиттер болон Инстаграм дахь #hermano буюу Испаниар ах дүүс гэсэн хаштаг л байв.
Газол зарлан тунхаглах шаардлагагүй байлаа. Коби тэр хоёрын нөхөрлөл хичнээн ойр дотно болсныг тэр мэдэж байсан. Гэхдээ тэр Коби Брайнтыг нээж, түүний энэ талыг дэлхийд харуулснаараа бахархдаг юм.
- Code: Select all
"Түүний шийдэмгий байдал, тэсвэр тэвчээр, хүсэл эрмэлзлэл, өлсгөлөн Мамба сэтгэлгээг та харж байсан ... Гэхдээ тэр бас маш эелдэг, маш их хайр татам хүн байсан." –Пау Газол
Карьерынхаа сүүлийн жилүүдэд Брайнт хөшгөө бага зэрэг нээж, Газолын юу хийснийг дэлхий нийтэд харуулах боломжийг олгож эхлэв.
“Би байгалиас заяасан зан чанар, сэтгэл хөдлөлийнхөө сул талыг харуулах хандлагатай байдаг. Энэ нь түүнд ямар нэг байдлаар нөлөөлсөн байх гэж би боддог. Хэвийн байх эсвэл заримдаа эелдэг, зөөлөн, эмзэг байх нь зүгээр. Бид үргэлж ийм хатуу чанга, үргэлж ирмэгт байх албагүй гэж хэлмээр байна.” гэж Газол хэлж байв.
Брайнтыг нээсэн хүн Газол гэдгийг Мэтт Барнс мэдээгүй ч тэр аль хэдийн анзаараад эхэлчихсэн байсан юм.
Нэгэн удаа бид Финикс хотод автобусаар явж байхад би түүнээс “Чиний ямар дажгүй хүн гэдгийг хүмүүс яагаад харахгүй байгаа юм бэ? новш гэж” хүмүүсийн өмнө шууд асуухад “Би наад новшийг чинь харуулж чадахгүй” гэж хэлсэн” хэмээн Мэтт Барнс дурсаж байв.
“Энэ бол Мамба сэтгэлгээний бүхэл бүтэн нэг хэсэг байсан гэж бодож байна. Гэхдээ түүнийг хамгаалалтаа буулгах үед ханыг нь нэвтэрснийхээ дараа Коби чинь үнэхээр дажгүй хүн байна гэж бодох болно”
Брайнтын үхлийн талаар ярих нь Газолд хэцүү хэвээр байгаа. Нэгдүгээр сарын 26-ны өдрийг бодохоор түүний бодол санаа нь Лэйкэрсийн домог болон түүний охин Жианна, бусад 7 хүний амь насыг авч одсон тэрхүү аймшигт ослыг эргэн санадаг.
Тухайн үед Газол эхнэр Кэйтийнхээ хамтаар Испанид явж байсан бөгөөд түүний утсанд мэдээний дохиолол, мессежүүд ар араасаа ирж эхлэсэн.
“Чи ухаан мэдрэлээ алдаж, хамаг бие чинь хөлдсөн мэт хөшиж эхэлнэ. Чи зүгээр л бүрэн цочролд орчихно. Чи итгэж чадахгүй. Би хэдэн өдөр, хэдэн долоо хоног, одоо ч гэсэн итгэхийг хүсэхгүй байна.
"Та одоо ч гэсэн Кобиг энэ ослоос өөрийн хөлөөрөө гарч, охиноо тэврээд, амьд үлдсэн хүмүүс байвал эмнэлэг рүү авч явах боломжтой байсан” гэж бодож байгаа.
"Бид түүний тухай тийм хүчтэй, дийлдэшгүй гэсэн ойлголттой байсан. Хэрэв хэн нэгэн үүнийг даван туулж чадвал тэр хүн нь Коби л байх байсан."
Газол хэдэн өдрийн турш уйлж, шаналж, цочролд орсон байв. Гэхдээ тэр юу хийх ёстойгоо маш хурдан ойлгосон.
"Бид сая Калифорниа руу нисэх онгоц захиаллаа. Бид тэнд байх хэрэгтэй гэж шийдээд гарлаа. Бид долоо, хоёр долоо хоног эсвэл хэдэн сар явахаа мэдэхгүй байсан ч тэнд байх хэрэгтэй байсан.”
- Code: Select all
"Бид Ванесса болон хүүхдүүдтэй ойр байж, авга ах Паугийн хувьд тэнд хэрэгтэй бүх зүйлд нь хамт байхыг хүсч байсан." Нисдэг тэрэг осолдсоны дараах өдөр -Пау Газол
Газолын гэр бүл Оранж Каунти дахь Брайнтын гэрийн ойролцоо хэдэн сар байж, тэдэнд байнга анхаарал тавьж, санаанд багтамгүй эмгэнэлт явдлын үеэр тэднийг дэмжихийг хичээдэг байв.
Авга ах Пау 4-р сард хуримын 19 жилийн ой болох байсан өдөр Ванессад цэцэг, 5-р сард Жианнагийн 14 насны төрсөн өдөр болох байсан өдөр баярын бялуу илгээсэн.
Газол Брайнтын гэр бүл хамтдаа 8-р сард Сан Францискогийн эргээр аялж, Халловинаар Оддын дайн киноны дүрд хувирав. Мөн 9-р сард Газолын анхны хүүхэд төрөхөд түүнд Жианнагийн нэрийг хайрласан.
"Миний охины бүтэн нэрийг Элизабет Жианна Газол гэдэг. Энэ бол зөвхөн Жаннаг хүндэтгэх биш харин тэднийг үргэлж байлгах арга юм. Тэд бол манай гэр бүл. Та тэднийг охиныхоо эсвэл хүүгийнхээ нэр дээр байлгахаас илүүтэйгээр тэдэнд бэлэглэж чадах уу?”
"Бидэнд түүний дунд овог нэр гэхээсээ илүү түүний нэрийг гаргах асуудал илүү их гарч байсан. Энэ нэр нь маш их утга учиртай. Жианнагийн сайхан сэтгэл, авьяас чадвар, түүний харуулсан хатуу чанга байдал. Түүний аав, ээж түүний хувьд энэ нь бидний хувьд маш их ач холбогдолтой зүйл бөгөөд иймээс түүнийг Элизабет Жианна гэж нэрлэсэн юм. "
Газол олон жилийн турш Жианна Брайнтийн сагсан бөмбөгийн тэмцээнүүдийг үзэж, авьяас чадвар нь хэрхэн цэцэглэхийг харж байжээ.
“Тэр эмэгтэй сагсан бөмбөгийг өөрчилж болох байсан. Түүний хувьд энэ тоглоом нь өөрийг нь илэрхийлж чадахуйц чухал ач холбогдолтой байсан. Тиймээс түүний үлдээсэн зүйлийг хүлээн авч түүнийг энэ тоглоомонд үзүүлж чадах байсан нөлөөг бид өөр дээрээ авах хэрэгтэй гэж бодож байна”
Энэ нь Коби болон Жианнагийн үхлээс хойш Газолыг тайвшруулж буй нэг хүчин зүйл юм.
Уйтгар гуниг, цочрол байсаар л байна. Тэрээр хэзээ ч нисдэг тэрэг хөлөглөхгүй гэжээ.
"Нэгийг нь харах болгонд энэ нь намайг өдөөж өгдөг" гэж тэр хэллээ.
Гэхдээ Газол ахынхаа хүсч байсан зүйлийг яг таг хийж байгаагаа мэднэ гэдгээ хэллээ. Ванесса болон түүний гурван охиныг харж хандаж, Коби, Жижи нарын үлдээсэн өвөөс суралцахад бусдад туслах
"Тэрээр мэдлэгээ хуваалцах, бусдад урам зориг өгөх, хүмүүсийн амьдралд туслах талаар маш их санаа тавьдаг байсан"
Брайнт бусадтай холбогдохыг хүсч байгаа нь Газолд түүнтэй анх хэрхэн холбогдсоныг сануулж байв. Брайнт Л.А-д Шакил О'Нилтэй хамт аварга болж, Газол Мемфис Гриззлисийг плэй-оффт оруулах гэж хичээж байсан тул тэд бие биенээ карьерийнхаа эхэн үед өрсөлдөгч гэж мэддэг байсан.
Дараа нь тохиолдлын учрал тэдний амьдралын замыг өөрчилсөн. 2007 оны зун Брайнт зочид буудлынхаа биеийн тамирын зааланд дасгал хийж байхдаа төрөлх Барселонад амарч байсан Газолтой тааралджээ.
"Ийм зүйл болсон нь галзуу юм. Түүнийг Лейкерсийг орхиж, Чикаго руу солилцоонд орох магадлалтай байгаа тухай яриа гарч байсан. Би тэр үед Мемфист байгаагаасаа өөр нөхцөл байдалд байхыг хүсч байсан, миний ирээдүйн талаар яриа ч гараад эхэлчихсэн байсан.”
"Тэгэхээр нь би "За, хэзээ нэгэн цагт бид хамт тоглож магадгүй. Та хэзээ ч мэдэхгүй"гэж хэлсэн. “Миний бодлоор Гриззлис намайг Лейкерс рүү сольж чадахгүй байсан. Гэхдээ хэдэн сарын дараа ийм зүйл болсон юм. Тэгээд би түүнтэй болон Лейкерстэй яг зөв цагтаа нэгдэж, бид гайхалтай цаг үеийг өнгөрөөсөн."
Улирлын дундуурх гайхалтай солилцооны дараа ч бидэнд 3 дарааллан Финалд үлдэж 2 аваргын цом өргөхийн тулд хийх зүйл их байв.
Харин, Брайнт шөнийн 1цаг 30 минутанд Газолын буудлын өрөөний хаалгыг тогшсноор бүх зүйл эхлэсэн юм.
"Би Вашингтонд очсон тэр шөнө багтайгаа нэгдсэн. Шөнө дунд тэр миний өрөөнд ирээд " Хөөе, би чамайг хүлээж авах гэж байгаадаа маш их баяртай байна, гэхдээ одоо явцгаая! Аварга авцгаая” гэж надад хэлсэн”
Газол бэлэн байлаа.
"Би энэ боломжийг маш их хүсч байсан" гэж тэр хэллээ. "Энэ бол миний ч боломж байсан, би дэмий үрэхийг хүсэхгүй байсан."
Хамтдаа хийсэн анхны тоглолтын үеэр Брайант бүр ч илүү ярьсан. Тэр Газолыг шахаж, түүнтэй талбай дээр испаниар байнга ярьдаг байсан тул өрсөлдөгчид нь тэднийг ойлгож чадахгүй байв. Тэд хамт тоглосон 6-аас дээш улиралын минут бүрт бие биесээ шахаж байсан.
"Тэр хэцүү байж магадгүй. Энэ талаар ямар ч асуулт байхгүй"
"Заримдаа би Пауг тэврээд бүх зүйл зүгээр болно гэж хэлэх хэрэгтэй байсан" гэж Барнс хэлэв. "Учир нь Коби түүнийг таны төсөөлж чадах ямар ч хэлээр хараачихдаг байсан."
Энэ нь Газол Брайнтыг ямар тоглогч байсныг сануулах болно. Тэсвэр тэвчээр, шийдэмгий байдал, хэвлэл мэдээллийн хэрэгслээр шууд буудах. (Кобигийн ярьсан Хар хун, цагаан хунгийн тухай сунжирсан өгүүллэг нь Газолыг илүү аггресив, бие бялдартай болоход түлхэц өгсөн гэж санаж байна уу?)
Гэхдээ тэр ахыгаа үүгээр нь дурсдаггүй юм.
"Бидний харилцаа ямар нэг шалтгаанаар нэгдэх зорилготой байсан юм шиг санагдаж байсан. Түүнийг болон Жижиг алдсаны дараа энэ нь бидний хувьд юу гэсэн үг болохыг, тэр хэн болохыг, миний амьдралд, түүний гэр бүл одоо миний гэр бүл болсон нь биднийг илүү ойртуулсан.
"Тэр бол миний насан туршдаа санах хүн байсан, гэхдээ би түүнийг хийж байгаа бүх зүйлдээ байлцуулах болно."