Мартин Кеовн 2006 онд Арсеналд ажиллаж байсан тухайгаа ярьжээ.
"2006 онд би клубт ажиллаж байлаа. Пат Райст хамгаалалтын бэлтгэлд нь тусладаг байсан юм. Нэг тоглогч байрлалын алдаа гаргаад, тэрнээс нь болж гоол алдаад байв. Би тэр тоглогчийг дуудаж авчраад гаргаж байгаа алдааг нь бичлэгээр үзүүлье гэтэл Вэнгэр үзүүлэх хэрэггүй гэсэн.
Вэнгэрийн бодлоор тоглогч өөрийн алдааг дүрс бичлэгээр үзэх юм бол асуудлыг хэтрүүлж бодоод улам сандардаг. Яах вэ, дамжуулалт гэх мэт ур чадварын асуудлаар бол түүний зөв байж болох ч асуудал байрлалаа зөв эзлэх, биеийн хэлбэр, зогсолт, бөмбөг хүлээн авах өнцгөө тааруулах тал дээр бол тоглогчид бичлэг үзүүлж юуг буруу хийгээд байгааг нь харуулах хэрэгтэй л дээ.
Тэр асуудлыг шийдэхгүй бол тухайн тоглогчийн ур чадварт урт хугацаандаа нөлөөтэй байж болох юм гэж би бодсон юм. Одоо байдал ямар болсныг мэдэхгүй, гэхдээ ямар ч байсан Вэнгэр тоглогчдоо маш их хамгаалдаг. Яг л өөрийнх нь хөвгүүд юм шиг."
Эх сурвалж:
http://metro.co.uk/2017/08/31/arsene-wenger-snubbed-advice-from-arsenal-legend-martin-keown-during-coaching-stint-6893498/#ixzz4rNk9gLk9