by Мэргэн » Thu Nov 24, 2016 2:21 am
Ник Янг Инграмаас Луид зориулагдсан бөмбөгийг "хулгайлан" онооны илүүтэй болгосон холын зайн шидэлт хийсний дараа Уолтон хөөрч догдолсон залуус руугаа байдаг чадлаараа хашгирч байсныг харсан биз дээ: "Тоглолт өндөрлөөгүй байна. Бид дуусгах хэрэгтэй." Тиймээ, тоглолт дуусахад яг 5.0 секунд дутуу байсан. Надад лав хамгийн түрүүд ингэж хөөрч байгаад хожигдчих вий дээ л гэсэн айдас төрсөн. Тоглолтын дараа хувцас солих өрөөнд юу болоод өнгөрчихөвөө гээд л их хөгжилтэй байцгаасан гэнэ.
Эргэн дурсахад энэ оны 3 сарын 2-нд Нэтсийг хожиход Расселл 39 оноо авахдаа 8 удаа гурваас зоосон байдаг. Хоёулаа замналынх нь хамгийн их нь болсон. 39 оноо нь 2012 онд Кайри Ирвинг рүүкий байхдаа 41 оноо авснаас хойшх хамгийн их бол 8 холын зайн шидэлт нь 2010 онд Режжи Уиллиамс рүүкий байхдаа 8 удаа хийж байсантай тэнцсэн. Яагаад энэ тоглолтыг яриад байна гэхээр тэр өдөр манай хүн "I have got ice in my veins" гэж хэлэн судас руугаа зааж баяраа тэмдэглэж байсан бөгөөд энэ жилийн хувьд манай хэд хэдэн тоглогч, тухайлбал өнөөдөр Янг маань хожлын шидэлт хийчихээд адилхан баяраа тэмдэглэсэн. Мэдээж багийн уур амьсгал сайхан байгаагийн шинж гэсэн үг.
Одоогоор 15 тоглолт хийж 8-7 буюу 50+ хувийн амжилттай байна. Тэгвэл хамгийн сүүлд 2011 онд 15 тоглолтын дараах байдлаар тавиас дээш хожлын хувьтай байжээ.
Рандлийн өнөөдрийн тоглолтод зарим фэнүүд маань сэтгэл дундуур байх шиг байсан. Уг нь бол манай хүн ташаандаа зовиуртай тоглохгүй ч байж болохоор байсан юм шүү. Тиймдээ ч 20 минут л тоглож 5хан довтолсон. Гэхдээ бас ч гэж гурваас нэг зоогоод 5 самбар, 4 дамжуулалттай. Расселл байхгүй үед Рандл тоглохгүй бол бүр хэцүү. Тоглолтын дундуур би Уолтон "Энэ улирлын амжилтын нууцуудын нэг нь Рандлын найруулга" гэж хэлсэн тухай сэтгэгдэл хэсэг дээр бичсэн. Өнөөдөр ч тоглолт эхлэх гэж байхад манай аналист "Гарааны 5 тоглогчоос хамгийн сайн плэймэйкер нь Рандл" гэж жиргэж байна лээ. Анзаарсан бол Расселл хүртэл чухал үеүдэд бүс давж орж ирээд л Рандлд өгч байгаа харагддаг. Заримдаа бүр өөрийн самбар дор гаргахдаа л өгчихөөд яваад өгдөг. Статистикаас ч харсан оновчтой дамжуулалтаараа багтаа Рандл Расселлын араас хоёрт яваа. Энэ хоёрын араас найруулаад байгаа хүн нь Инграм байгаад байгаа. Яахав Калдерон бол бага гарч ирнэ. Кларксон найруулна гэж байхгүй ээ. Рандл маргааш ч тоглох эсэх нь эргэлзээтэй байгаа.
Янг Луигийн урдуур бөмбөг авч шидсэн тухайд Уолтон "Би түүнд хэрвээ чи дамжуулалтыг хулгайлж авах юм бол илүү сайн шидэлт хий гэж хэлсэн. Хангалттай гайхамшигтай шидэлт байлаа. Ник ямар ч нөхцөлд айдасгүй байдаг нь бид тоглолтын төгсгөлд түүнийг талбай дээр байлгах дуртай шалтгаануудын нэг нь гарцаагүй мөн. Тэр чухал мөчүүдэд дуртай. Ник бидний төлөө маш чухал шидэлт хийсэн"
Шийдвэрлэх мөчийн нөхцөл байдлын талаар Уэстбрүүк: "Би залуустаа 'Спөрс манайх хоёр тэднийг өмнө нь хожсон, бид өнгөрсөн жил ч тэднийг хожсон. Тэгэхээр тэд яг одоо бага зэрэг бухимдангуй байгаа байх' гэж хэлсэн" Мөн "Ник бүтэн тоглолтн турш үнэхээр сайн байлаа. Би түүнийг энэ орой 13/30 шидчихлээ л гэж бодсон. Тэр тоглолтын төгсгөлд ч сайн байсан, чухал шидэлтүүдээ хийгээд л. Мозгов намайг цагариг руу довтлоход хэцүү болгож, хүнд шидэлтүүд хийлгэх гэж хичээж байсан. Багийн сайн хүчин чармайлт байлаа. Би Янгийн хожлын шидэлтийг хараахан үзээгүй байна. Бичлэгийг үзсэнийхээ дараа л юу болсныг ойлгоно доо."
Испани холбогчийнхоо талаар Уолтон "Калдерон Расселлыг орлож маш сайн тоглосон. Тэр чухал шидэлтүүдээ хийсэн, түүгээр ч зогсохгүй бөмбөг шилжүүлж залуусаа тоглолтод оролцуулан, чадахаараа хамгаалалтад тусалж байсан. Калдерон гайхалтай байлаа. Бага зэрэг санаа зовж байгаа зүйл гэвэл тоглолтын дараа би түүнтэй хамт явж байхад тэр хэдийнээ мөсөөр жин тавьчихсан байсан. Маргаашийн байдлыг нь харна даа. Ямартай ч тэр гайхалтай байсан."
Ник Янг өөрийн шидэлтийн тухайд: "Би Роберт Орри, Кобигийн болон Фишерийн 0.4 секундэд хийсэн шидэлтүүдийг үзсэнээ санаж байна. Та нар мэдэж байгаа биз дээ, минийх бол өөрийн гэсэн онцлогтой, би багийнхаа андаас энэ шидэлтийг хулгайлсан шүү дээ. Надад зориулагдсан төлөвлөгөө байгаагүй, гэхдээ энэ шидэлт түүхэнд үүрд хадгалагдан үлдэх ёстой" мөн "Луи тэр шидэлтийг өөрөө хийгээгүй нь азтай хэрэг гэж бодож байгаагаа намайг мэдээсэй гэж хүссэн шүү"
Тандерын дасгалжуулагч Донован "Минийхээр манай хамгаалалт өнөөдөр илүү сайн байсан. Янз бүрийн байдлаар оноо алдаж байснаа мэдэж байна л даа. Гэхдээ олон удаа 3-ын шугамны ардаас оноо алдлаа. Тэд маш их 3-аас хийсэн"