by Мэргэн » Fri Dec 18, 2015 5:41 pm
Тоглогч ахуйдаа 2, дасгалжуулагчийн хувиар 11 бөгж авсан, ҮСБХ-ны хамгийн алдартай дасгалжуулагч гэж хэлж болох Фил Жэксоны 2013 онд бичсэн “11 БӨГЖ: АМЖИЛТЫН АМИН СҮНС” номыг чадан ядан орчуулан та бүхний гар дээр хүргэхэд бэлэн болоод байгаа бөгөөд дараагийн 7 хоногт хэвлэлтээс гарах уг номноос зөвхөн сагсан бөмбөг гэлтгүй амьдралын ухаан, буддизм, зэнгийн сургаал, сургамжит өгүүллүүд гээд дараах олон зүйлсийн талаар унших болно:
• Дээр хэлсэнчлэн энэ бол зөвхөн сагсан бөмбөгийн тухай ном биш. Амьдралын ухаан, өөрийгөө танин мэдэх, хувь хүний хөгжил, манлайлах чадварт суралцах хийгээд хэрхэн хамт олон болж бүрдэх тухай уншиж болно. Овгийн хөгжлийн 5 шат буюу хамт олны хөгжил түүнд хувь хүн ямар оролцоо, зан араншинтай байвал зохих, “та нар биш би л аугаа” гэсэн аминч үзлээс “чи биш бид аугаа” гэсэн үзэлд хэрхэн хүрэх, өөрийгөө танин мэдэхийн тулд ямар 8 шат, зарчмыг баримтлах зэргийг өгүүлэхдээ алунгоо эхийн домог, самурай, Сиддхартха, ах дүү ламын түүх зэрэг сургамжит өгүүлэл, буддизм, түүний дотор зэнгийн сургаалаар жишээ болгон өгүүлэх болно. Үүнийг ч батлах мэт Коби ингэж хэлсэн байна. “Би Фил Жэксоны үйл хөдлөл, биеэ авч явж буй байдлаас манлайллын талаарх мэдлэгийнхээ 90 хувийг олж сурсан. Энэ бол зөвхөн сагсан бөмбөгт манлайлах тухай биш л дээ. Харин хэрхэн амьдрах тухай гүн ухаан юм. Яг тухайн мөчид, амьдралынхаа хором бүрт баримтлах зарчим. Үнэхээр сэтгэлд нь нийцэхгүй байгаа зүйлийг хүчээр хийлгэх гэж хүүхдүүдээ албадахын оронд зүгээр л хажууд нь байж, зааж чиглүүлэн, өөрсдийн сонгосон замаараа өсөж хүмүүжихийг нь зөвшөөрөх гэх мэт. Энэ бүгдийг би Филээс л сурсан”
• Ямар ч зохион байгуулалтгүй багийг хэрхэн хэдхэн жилийн дотор аварга болгодог вэ? Энэ бол удирдахуйн ухаан. Тэр дундаа бясалгалын тухай. Амьдралд мөрдлөгө болгохуйц гүн ухааны талаар.
• 1960-70-аад оны Нью-Йорк Никс, 1990-ээд оны Чикаго Буллс, 2000-аад оны Лэйкерсийн уналтаас эхлээд аваргууд болсон дэлгэрэнгүй түүхүүд. Тухайлбал, 1998 оны финалын 6 дахь тоглолтонд Жордан Мэлоуны бөмбөгийг тасалж хийсэн хожлын шидэлт (өөрийнх нь хэлснээр спортын түүхэн дэх хамгийн сэтгэл догдлуулсан мөч), 1997 оны финалдын шийдвэрлэх тоглолтонд Керрийн хийсэн хожлын шидэлт, 1993 оны финалын шийдвэрлэх тоглолтонд Пакссоны авсан хожлын шидэлт гээд тэр бүрийн цаадах торгон агшин. Эдгээр түүхийн хажуугаар дурдагдахгүй, ярихгүй өнгөрч болохгүй Нэтс, Жазз, Пэйсерс, Детройт, Сакраменто хийгээд бусад багууд болон А.Томас, Р.Миллер, К.Уэббэр, К.Мэлоун, Г.Пэйтон, А.Айверсоноос авахуулаад нүүр царай болсон тоглогчдынх нь тухай.
• Буллс, Лэйкерсийн бараг бүх тоглогчдын хувь хүн, зан ааш, ур чадварын тухай дэлгэрэнгүй. Тухайлбал, Буллс: Жордан, Пиппен, Армстронг, Лонгли, Родман, Харпер, Пакссон, Керр, Картрайт. Лэйкерс: Райс, Коби, Шак, Фокс, Орри, Фишер, Уолтон, Шоу, Газол, Байнам, Вуяажич, Мэлоун, Пэйтон, Фармар, Ариза, Рон Артест, Одом. Мөн хүн бүрийн одоог хүртэл муулаад байгаа Смүш Паркер гайхалтай нөөц бололцоотой байсан ч яагаад амжилтанд хүрээгүй талаар.
• 1960-70-аад оны өөрийнх нь бүрэлдэхүүнд нь байсан Никс, багийн тоглогчид, хэрхэн аварга болж, салан бутарсан тухай.
• Буллс, Лэйкерсийг нийт 11 удаа аваргын замд хөтөлсөн гурвалжин довтолгоо, түүний талаарх бусад дасгалжуулагчдын төөрөгдөл, ямар энгийн зүйл болох, энэ системд од тоглогч гэж байдаггүй тухай.
• 1995-96 оны алдарт Чикаго Буллсын тогтоосон, эвдэгдэшгүй гэх 72-10 амжилтын нууцын тайлал.
• 2003-04 онд Мэлоун, Пэйтон нарыг эгнээндээ нэгтгэн, Коби, Шак нарын хамтаар бүх оддын баг гэж нэрлэгдэж байсан Лэйкерс яагаад аварга болж чадаагүй тухай.
• Коби, Жордан хоёрын адил хийгээд ялгаатай талыг зан ааш, бие махбод гээд бүх талаар нь жишсэн харьцуулалт.
• Жордан бэйсболл тоглохоор сагсан бөмбөгийг орхисныг хүн бүр мэдэх ч яагаад эргэн ирсэн талаар тэр бүр мэддэггүй. Энэ талаар
• Коби-Шак, Коби-Филийн зөрчилдөөний талаар. Фил Жэксон Кобигийн хатгаасаар багаас явсан, эргэж ирээд Кобитой хэрхэн ойр дотно харилцаатай болсон тухай.
• Кобигийн холбогдож байсан бэлгийн халдлагын тухай. 2006 оны плэйоффын эхний шатанд Лэйкерс Сансыг 3-1 харьцаатай тэргүүлэн шуугиан дэгдээж байгаад өөр нэгэн тоглогчийн холбогдсон хүчингийн хэрэг багийн сэтгэл зүйд нөлөөлөн хожигдсон тухай.
• 2011 оны Лэйкерс Филийн хэлснээр өөрийнх нь дасгалжуулж байсан аль ч оны Лэйкерсээс илүү байж болох баг байсан ч яагаад Далласт хожигдсон тухай хөшигний цаадах баримт.
• Лэйкерсийн хувьд Бостоныг хожино гэдэг яагаад тийм чухал талаар. Кингсийн үзэгчид яагаад Фил Жэксон болоод Лэйкерсийг үзэн яддаг тухай.
• Мөн нэмэлт драфт, локаут, зарим багийн хуучин нэрний түүх болоод ҮСБХ-ны хөшигний цаадах амьдрал.
• Эцэст нь Христийн шашинтан библ, Ислам шашинтан коран уншихгүй байж болдоггүй шиг сагсан бөмбөг сонирхдог хүн Фил Жэксоны номыг уншихгүй байж болохгүй л гэе даа.