by avarga » Fri Nov 02, 2007 12:05 pm
Д.Лүмбэнгарав БНАСАУ-ын хаалгыг мялаав
ӨАБНУ-д 2010 онд болох ДАШТ-ий урьдчилсан шатанд орох эрхийн төлөө сонгон шалгаруулалтын эхний даваанд манай улсын хөлбөмбөгчид БНАСАУ-тай учраа таарсан билээ. Аравдугаар сарын 21-нд Улаанбаатар хотноо хойд Солонгосын шигшээг хүлээн авч, 1:4-өөр хожигдсон манай баг өнгөрөгч ням гаригт хариу тоглолтоо Пхеньянд хийж 1:5-аар дийлджээ. Энэхүү тоглолтод эзэн баг цагаан, Монгол Улсын шигшээ улаан хувцас өмсөн тоглов. Тоглолт болсон өдөр Пхеньянд +10 хэм, салхитай сэрүүн өдөр таарсан байна.
БНАСАУ-ын Монголд тоглосон бүрэлдэхүүнээс хоёрдугаар үед сэлгээгээр гарч ирсэн хаалгач Жү Кван Минийг үндсэн 11-д багтааснаас өөр өөрчлөлт гараагүй бол манай баг хаалгач Ю.Сайнхүүг Ш.Насанжаргалаар солин, С.Баярзаяаг гарааны 11-д оруулжээ. Тоглолт эхлэнгүүт өмнөх тоглолтын анхны гоолыг оруулсан Пак Чол Мин манай хаалгыг мялааж, Ким Кук Жин 10 дахь минутад дахин нэгийг хийсэн байна. 36 дахь минутад Жон Чол Мин дахин гоол оруулж, тоог 3:0 болгосон. Энэ гурван тоглогч долоо хоногийн өмнө манай хаалганд бөмбөг хийж байсан билээ.
Харин Монголын үндэсний шигшээ багийн ахлагч, төвийн хамгаалагч Д.Лүмбэнгарав 41 дэх минутад гоол оруулан хуурай хожигдохоос аварлаа. Хоёрдугаар үед Ардчилсан Солонгосын хагас хамгаалагч Ри Чол Мюн улаан хуудас авч, талбайн эзэд нэг хүн дутуу болсон ч манай баг үлдсэн хугацаанд нэмээд хоёр гоол алдсан байна.
Ийнхүү хоёр тоглолтын нийлбэрээр БНАСАУ-ын хөлбөмбөгчид 9:2-оор хожиж, урьдчилсан шатны гурвын даваанд тоглох эрхтэй болов.
БНАСАУ-Монгол 5:1
Гоол: Пак Чол Мин 3, 79, Ким Кук Жинь 10, Жон Чол Мин 36, Жонь Кван Ик 90+1 - Д.Лүмбэнгарав 41
БНАСАУ: Жу Кван Минь, Ча Жон Хёк, Ри Жүн Иль (Ри Кван Хёк 65), Жон Кван Ик, Юн Ён Иль, Пак Нам Чол, Пак Чол Мин, Пак Сон Чол, Ри Чол Мюн, Ким Күк Жинь (Ри Хун Рён 46), Жон Чол Мин (Со Кван Чол 79)
Монгол: Ш.Насанжаргал, Б.Гарьдмагнай, Д.Лүмбэнгарав, Ч.Мөнхбат, С.Одхүү, С.Баярзаяа, Г.Даваа-Очир, Г.Бат-Ялалт (З.Баттулга 49), Ц.Энхжаргал, А.Мөрөн (Э.Ганзориг 88), Г.Төгсбаяр (Х.Цэнд-Аюуш 90+3)
Шар хуудас: Пак Чол Мин 40-Д.Лүмбэнгарав 37, З.Баттулга 67
Улаан хуудас: Ри Чол Мюн 58
Шүүгч: Рам Кришна Гош (Бангладеш)
Ким Ир Сений нэрэмжит стадион. 5000 үзэгч
Монгол-БНАСАУ-ын шигшээ багуудын тоглосон түүх
Он Тоглолт болсон газар Дүн
1958 Улаанбаатар 0:0, 0:1
1960 Ханой 1:9
(Социалист дөрвөн орны тэмцээн)
1964 Улаанбаатар 1:3, 2:3
1978 Улаанбаатар 1:4, 1:5
1993 Шанхай 0:10
(Зүүн Азийн анхдугаар наадам)
2007 Макао 0:7
(Зүүн Азийн АШТ-ий урьдчилсан шат)
Улаанбаатар 1:4
Пхеньян 1:5
Òàâàí öàãàðèã