by TJ » Fri Nov 30, 2007 3:17 pm
NEXT INTERVIEW
SAMUEL ETO'O
Өнөөдөр биш ч маргааш би буцаж ирнэ
Бүтэн 3 сарын турш манай хүнийг зовоосон өвдөгний гэмтлийн дараа Это маань дахин тоглож эхлэхээр талбайн хажууд зогсож байна. Тэрээр 8-р сарын 29-нд Жоан Гамперын тоглолтод оролцож байхдаа авсан урт хугацааны гэмтлийн даван туулж, эргэн ирэхэд хэдийнэ бэлэн болжээ. Barca TV- ийн Zona Mixta хөтөлбөрт өгсөн ярилцлагадаа өөрийн хувийн бодлоо дэлгэжээ.
- Сайн байна уу?
- Маш сайн, бага багаар сайжирсаар л байна
- Өнгөрсөн хэд хоногт таныг бэлтгэлийн талбайд байхыг чинь харлаа. Дахин тоглохын тулд одоо үүнийг тийм ч удаан хийхгүй байх?
- Удаан биш гэж үү? Үүнийг сайн мэдэхгүй байна. Тэгж л найдаж байна даа. Маш шаргуу бэлтгэл хийж байгаа, төгсгөлийн шатандаа орсон.
- Одоо та тоглоход бэлэн байна уу?
- Би нэг хөлөндөө 2 удаа хүнд гэмтэл авсан, энэ хүндрэл үүсгэсэн. Бид үргэлж Барсагийн, өөрийнхөө, гэр бүлийнхээ ашиг тусын тулд явдаг. Гэмтэл маань эдгэрсэнд баяртай байна.
- Хүн бүр таныг хэзээ эргэн ирэхийг асууж байна?
- Хагассайнд намайг тоглох эсэхийг хүн бүр л мэдэх хүсэлтэй байгаа. Миний хэлж чадах зүйл бол одоог хүртэл би маш шаргуу бэлтгэл хийсэн. Хөлбөмбөгт бүх зүйл хэн ч урьдчилан мэдэх аргагүйгээр маш хурдан өөрчлөгдөж байдаг. Тиймээс би маш их хөдөлмөрлөж байна, өнөөдөр биш бол маргааш би талбайд гарах болно гэдгээ л мэдэж байна даа.
- 3 сарын турш та үйл явдлаас гадуур байлаа. Одоогоор багийн тухай таны бодол ямар байна?
- Маш сайн. Эвэй тоглолтуудад бид бага зэрэг уялдаа муутай байсан. Өчигдрийн тоглолтод сэтгэл хангалуун байна, яагаад гэвэл бид маш том дарамт ачааллыг авч хаялаа (ЧЛ-д хэсгээсээ гарсан) Эвэй тоглолтод багийн тоглолтын арга барил маш сайн байсан, яг л Рекреативогийн эсрэг тоглолтын 2-р хагас шиг.
- Барса Камп Ноу-даа бүх тэмцээнд маш хүчирхэг байгаа, тиймээс бүх яриа эвэй тоглолтруу чиглэж байна. Асуудал яг юунд байна?
- Манай талбай арай том байдаг, бид гэртээ хүссэнээрээ тоглоход бүх зүйлс нээлттэй. Бусад багийнх ихэнхдээ бага зэрэг жижиг талбайтай байдаг учраас бид өөрсдийн хэв маягаар тэр болгон тоглож чаддаггүй нь ялахад саад болдог. Өчигдрийн хувьд бол хүн бүр маш их гүйж, ачаалал авч тоглосон, энэ маш их нөлөөлсөн.
- Лиг-д Реалаас 2 оноогоор хоцорч байгаа хэдий ч сар хүрэхгүй хугацааны дараа тэд Камп Ноу-д ирэх болно.
- Тиймээ, 3 тоглолтын дараа. Тиймээс одоо бид хагассайнд болох тоглолтод анхаарлаа хандуулж байна. Мадридтай тоглохын өмнө бид энэ талаар бодох болно. Энэ тоглолтод бид ач холбогдол өгөх ёстой. Маш хүнд тоглолт байх болно. Хэрвээ бид санаа тавьж, бэлэн байж чадвал 3 оноогоо авч чадна.
- Эспаньолын талаар?
- Тэд маш сайн байгаа, Алберт Рейра тодорхой төвшинд хүрсэн, түүнийг чадна гэдгийг бид бүгд тооцсон. Түүнийг Маллоркагийн залуучуудын багт тоглож байхыг нь харж байснаа санаж байна. Тэр бол сайн тоглогч, багтаа хэрэгтэй зүйлсийг хийж чадна. Гэхдээ хөлбөмбөгт, тоглолт бүрт, маш их ачааллыг сөрөн гарах формтой байхаас бүх зүйл хамаардаг. Бид ялна гэж бодож байна.
- Өчигдрийн тоглолтоор Аваргуудын лигийн дараагийн шатанд оролцох эрхээ авсан.
- Хамгийн чухал нь бид хэсгээ тэргүүлсэн нь юм. Би багийнхандаа болон дасгалцуулагчдаа баяр хүргэмээр байна.
- Хүмүүс дараагийн шатанд оролцох боломжтой багуудын тухай ярилцаж байна. Таны хувьд?
- Энд ямар нэг сайн болон муу баг гэж байхгүй. Заримдаа тийм ч алдартай биш баг хамгийн том асуудал болох нь бий. Бидний ашигтай тал бол хариу тоглолт гэртээ тоглоно. Энэ бол үнэхээр давуу тал. Гэхдээ эхний тоглолтод 4-0 хожигдсон бол хэдий гэртээ тоглож байгаа ч 5 гоол хийх хэцүү шүү дээ. Нөгөө баг чинь зөвхөн хамгаалаад л байна. Гэхдээ бидний хувьд нэг том алхамыг туулсан гэдгийг бүгд мэдэж байгаа.
Хамтран зүтгэгчдийн тухай
- Хамтран зүтгэгчдийн талаар, Роналдиньогоор эхлэе. Сүүлийн үед тэр маш их шүүмжлэлд өртөж байна.
- Тэр амарч байгаа. Энэ бол түүний хувьд маш сайн зүйл гэж би бодож байна. Түүнийг чадварлаг тоглогч гэдгийг бид бүгд л мэднэ шүү дээ. Бидэнд бүгдэд нь хэцүү үе байдаг, гэхдээ түүнийг талбай дээр ажлаа хийж чадна гэдгийг мэдэж байна. Хүмүүс түүнээс хэтэрхий ихийг шаарддаг, энэ нь түүний чадварлагийг л баталж байна. Одоогоор хэн ч түүний төвшинд хүрээгүй л байна даа.
- Хэдэн 7 хоногийн өмнө та “Бояан миний байрыг эзлэх болно” гэж хэлсэн. Одоо та юу гэж бодож байна?
- Түүний карьер дөнгөж эхэлж байна, тэр миний байрыг эзлэх болно. Яагаад гэвэл түүнд бүх юм байна. Тэр хэвлэлд “би бүх зүйлд итгэж болохгүй” гэж ярьсан, яагаад гэвэл тэд чамайг магтах нь сайхан ч өөр нэг өдөр чиний хэдэн настай чинь хамаагүй чамайг шүүмжлэх болно. Би түүнийг энэ байдлаа хадгалж, өөртөө сэтгэл хангалуун байгаасай, хэвлэлийнхэн түүнийг магтах үед болгоомжтой байж энэ бүхэн зогсох үед бэлэн байгаасай гэж хүсдэг.
- Терри Анри тантай нэг байрлалын тоглогч, багт өнгөрүүлж байгаа багахан хугацааны хувьд түүний тухай?
- Тити хангалттай сайн зүйлс хийж байна. Түүнд багахан асуудлууд байсан ч ерөнхийдөө тэр гоол хийдэг, энэ түүний байрлал дээрээ хийх ёстой ажил нь юм. Гэмтэлтэй байхдаа ч тэр маш их сайн зүйлс хийж байгаа гэж би боддог.
- Эдмилсон өнгөрсөн 7 хоногт өөрийн бодлоо илэрхийлсний дараа зөвлөл, дасгалжуулагчид, багийн зарим тоглогчид энэ талаар санал бодлоо хэлсэн. Таны хувьд?
- Энэ бүхэн яриа хувцас солих өрөөнд болсон, тэндээ үлдэх болно. Дасгалжуулагч үүнийг хувь хүний хувийн үзэл бодол гэдгийг хэлсэн шүү дээ. Өөр хэлэх зүйл алга.
- Төгсгөлд нь Марк Ингла спортын асуудал эрхэлсэн Дэд ерөнхийлөгч болсонд таны сэтгэгдэл ямар байна?
- Ямар нэг зүйл солигдож өөрчлөгдөх тухай би огт боддоггүй. Түүнтэй би найрсаг харилцаатай байдаг, яагаад гэвэл тэр үргэлж биднийг дэмжиж байдгийг нь би мэднэ.