ПЭТ НЕВИН: МАШ САЙН АЖИЛЧелсигийн "Домог"-ийн анхаарлыг татаж, үзэг балаа шүүрж авах ганц шалтгаан бол өнгөрөгч Бямба гарагт Олд Траффордын баг Стэмфорд Брижээс толгой гудайлган, гар хоосон буцсан явдал байлаа.
Бямба гарагийн үдэш Луй Ван Гаалд тавьсан Жозе Моуриньогийн бодлогыг Голланд дасгалжуулагч тэс хөндлөн ойлгочихов бололтой. Мань эр ч, тоглогчид нь ч, яаж ч хичээгээд зөв хариу олж чадсангүй.
Өрсөлдөгч багийн гол заналхийллийг өөртөө татан, тогтоох хагас хамгаалалтын үүрэг Курт Зумад ногдсон нь эхний удаа биш. III сарын эхэнд болсон Лигийн цомын шигшээ тоглолтонд Кристиан Эриксений эсрэг манай Зума хэрхэн тоглосныг "Челси"-ийн фанат хэн бүхэн тодхон санаж буй биз ээ. Түүнийг зогсоо, Харри Кейн рүү дамжуулах боломж бүү олго - тэгвэл чи жинхэнэ "Давруул" болно.
Харамсалтай нь тэдний хүсэл талаар өнгөрч, цом "Стэмфорд Бриж"-д дахин үлдсэн юм.
Куртын хувьд дахин шинэ дуудлага гарч ирлээ. Энэ удаа тэрээр Маруан Феллайнгийн эсрэг дээрхтэй адил тоглож чадах болов уу? Илүү өндөрт үсэрдэг, хуурах, гүйцэж түрүүлэхдээ илүү, ер нь чадалтай залуу болохоор бусад хөлбөмбөгчдийг айлгахад Бельги залуутай харьцуулж болохуйц тоглогч олон биш болов уу.
Феллайни МанЮтд-ийн сүүлийн үеийн өсөлтийн гол тулгуур нь болсон хэдий ч, яг энэ тоглолтонд түүнтэй хүч эн тэнцүү өрсөлдөгч гарч ирлээ. Феллайниг 2-р давхарт давж гарах тоглогч тун цөөн. Тиймээс шууд утгаараа, Курт Зумаг давж гарах тоглогч хөлбөмбөгийн ертөнцөнд байхгүй гээд хэлчихэд буруутахгүй биз. Феллайниг эцсийн дүнд, дарамтандаа оруулж, гэсэн хэрнээ тоглолтын турш хамгийн дээд төвшинд байж чадсан нь үүний гэрч биш гэж үү.
Тоглолтыг нь саармагжуулж унтраах ёстой тоглогч зөвхөн Феллайнигаар хязгаарлагдаагүй. Хагас метр сул орон зай өгөхөд экс - Челси Хуан Мата ямар аюул тарьж болохыг "Челсигийн фанатууд" хэн бүхнээс сайн мэднэ.
Тиймээс Матагийн эсрэг ч Феллайнигийнхтай төстэй ажиллагаа явуулах шаардлагатай байлаа. Хуаны эсрэг хэзээ нэгэн цагт, хэн нэгэн нутаг нэгт Сезар Аспиликуэта шиг нь нягт анхаарал тавьж байсан гэдгийг санахгүй л байна шүү. Дэйв хатуу ширүүн тоглож чадна гэдгийг бид мэддэг ч, Хуаны орон зайд тийм түрэмгий нэвтэрнэ гэж хэн санах билээ.
Халуун дулаан алга ташилт Хуаны сэтгэлд тодхон үлдсэн нь мэдээж боловч, харамсалтай нь түүний тоглолтонд огтхон ч нөлөөлсөнгүй. Үндсэн багийнхны хувьд тактикийн өөрт ногдсон даалгаврыг яв цав биелүүлж байж л амжилтанд хүрэх ёстой байлаа. Үнэхээр ч МанЮтд-ийн бөмбөг эзэмшилт илүү байсан. Манай хамгаалалтын хажуугаар үнэхээр аюултай бөмбөг цөөн боловч өнгөрсөн ч, бодит дарамт огт мэдрэгдсэнгүй. Манай гоолын дараа, МанЮтд-ын хувьд, шаардлагатай 2 гоол хийх боломж Сахарын цөлд цасаар байлдахтай адил санагдсаныг нуух юун.
Энэ бол стратегийн хувьд мастер-класс үзүүлсэн ээлжит тоглолт байлаа. Гадна орчноос уухай хашхиран дэмжих, эсвэл хараан зүхэх нь бидний хувьд ямар ч ач холбогдолгүй байх ёстой. Довтолгооны тоглогчдын авъяаслаг - сэтгэн бодох чадварыг ашиглан, заавал хожих ёстой тоглолт гэж байдаг юм.
Энэ үгийг Эденд хандан илгээе. Хэрэв бид сүүлчийн тулаан хүртэл давшиж чадвал биднийг аварга болгох хүн бол Эден Азар. Түүний нөлөөллийг цаг ямагт шүүн хэлэлцдэг болсон бөгөөд, бодит үнэн бол Эденийг нь хамгийн манлайд тавих ёстой.
Бүх дасгалжуулагч Азар ямар аюултай хор хөнөөл авчрахыг мэддэг ч түүний эсрэг юу ч хийж чаддаггүй. Түүн дээр алдаа гаргах, хоёрлосон бүү хэл гурвалсан хамгаалалт гаргаад ч нэмэр алга. Тэд байж болох бүх боломжоо аль хэдийн шавхан дуусаад, одоо яах учраа олохоо байсан мэт сэтгэгдэл төрж байна.
Зарим үед аль болох тохь тухтай байрлал, сандал олж тухлаад, гялалзсан тоглогчийнхоо үзүүлж болох оргил тоглолтыг таатайхан ажиглан суух л ажилтай болж байх шиг.
Хөлбөмбөгчний хувьд нисэлт, уналт аль аль нь тохиолдож болох ч(түүнийг улам төгс болно гэдэгт би итгэдэг), энэ цаг үе бол түүний хувьд онцгой мөч. Тэр гэмтэл бэртэлд дарлуулдаггүй(цагаан ч бай, ямар ч бай хэл ам холуур өнгөрөг!!!), дээр нь бүх оргил өмнө нь буй залуу - өнгөлөг тоглогч.
Түүн шиг таашаал - бахархал төрүүлдэг хоёр л тоглогчийг нэрлэж болох байх.
Месси бол зүйрлэшгүй Роналду илүү мэргэжлийн байж болох. Гэхдээ л манай од - үнэхээр залуу. Мэргэжлийн өндөр ур чадвар нь Португал тоглогчийг олон дасгалжуулагчийн овоо хараанд онилуулдаг байж болох ч тэр бол "эдлэгдчихсэн" тоглогч. Мань эр - ер бусын хөлбөмбөгчин мөн боловч зөвхөн залууст байдаг гэнэн зан, амьдралын тэмүүлэл бүхий зөв совинлог тоглолт надад таалагддаг. Хамгийн чухал нь манай Эден л хүссэн бүх зүйлээ өөрийн бодол сэтгэлээр хийдэг, бүхнээ багтаа зориулдаг, зүрх сэтгэл нь нээлттэй хэвээр байж, бэртэл гэмтлээс ангид байх болтугай.
МанЮтд-тай хийх тоглолтын өмнө, МанЮтд болон Арсеналтай хийх тоглолтонд тэнцэхэд л хангалттай гэж би бичиж байсан. харин бид хүсч байсан 2 онооныхоо оронд, бүр гурван ч оноо авчихлаа. Би ч бусдын адилаар илүү ихийг хүсэх боллоо.
Дасгалжуулагч болон тоглогчид, эцсийн дүнд барианы туузанд түрүүлэн хүрч л байвал аль тоглолтоос оноо авах нь чухал биш гэж хэлэх нь мэдээж. Зарчмын хувьд санал нэг байна. Гэхдээ Эмирэйтс рүү нь Арсеналын цом хүртэх найдварыг бүр мөсөн таслахаар очих нь гайхамшиг биш гэж үү???
КПР-тэй тоглосныг дараа хөлбөмбөгчдийн хамт талбай дээр гол баяраа тэмдэглэсэн. Бямба гарагт Стэмфорд Брижийг баярын уур амьсгал тэр чигт нь нөмөрлөө. Ялалт манай талд ирэх нь зайлшгүй болмогц, фанатууд цэнгэлдэж, эхэлсэн юм. Арсеналыг хожсон ч, Арсеналтай тэнцсэн ч "Цэнхэрүүд" тэнгэр газар нийлтэл баярлах болно. Энэ тоглолтыг "Челси"-ийн фанат хүн бүхэн үзэх чин эрмэлзэлтэй байсан нь мэдээж(0:0).
Би өмнөх 7 хоногт "Челси"-ийн оны шилдэг тоглогчдоос хамгийн чацтай нь хэн бэ гэдэг асуулт тавьсан бөгөөд, боломжит хувилбаруудад Мики Дрой, Питер Осгууд, Жей Ти, Кен Монк, Рууд Гуллит, Дидье Дрогба нарыг дэвшүүлсэн билээ. Гэхдээ жинхэнэ зөв хариулт нь Петр Чех байсан юм(196см).
Ялагчаар Монгол Улсын иргэн Еркегүл Мадениет тодорсныг зарлахад таатай байна.Ээлжит асуулт: АПЛ-ийн түүхэнд Арсеналын хаалганд "Челси"-ийн тоглогчдоос хэн хамийн олон гоолдсон бэ? хариултыг
pat.nevin@chelseafc.com хаягаар илгээнэ үү. Ялагчийг Петр Чехийн гарын үсэг бүхий, Лигийн цомын шигшээ тоглолтын DVD-ээр урамшуулах болно.
#CHELSEAFCSTOREMONGOLIA #ERDENEBRAND