Хэсгээс 1-р гарлаа. 3 тоглолтыг нийтээр дүгнээд үзвэл багийн давуу тал болоод сул тал нь хаана хаанаа байгаа вэ гэдэг нь маш тодорхой харагдсан болвуу гэж харж байна.
Хамгаалалтын сул тал. Мэдээж 2 жигүүрийн нөхдүүдийн хамгаалалтанд назгай оролцдог байдал багт асуудал болж мэдэхээр байдалд байна. Уулаасаа төрөлхийн довтолгоонд түлхүү оролцдог нөхдүүд, Сколари гараанд энэ 2-г цуг гаргаад байгаа нь 02 оны Кафу, Карлос нарыг хэр үр өгөөжтэй ашигласан шигээ ашиглаж чадна гэж тооцоод байгаам болвуу, гэхдээ одоогоор лав тийм өндөр түвшинд үр өгөөжөө өгч байгаа зүйл алга, хэсгийн 3 тоглолтонд 2 тоглогч ээлжлэн тааруухан тоглолт харуулсаар дуусгав. Алдсан 2 гоал ч энэ 2 нөхөртэй шууд холбоотой.
Хамгаалалтын давуу тал. Цезарь, төвийн 2. Цезарь үнэхээр 4 жилийн өмнөх алдаагаа цайруулахыг хүсч байгаа бололтой, энэ ДА-р няхуур, нягт, найдвартай тоглолтыг харуулж байна. Хэсэгт 2 гоал алдсан 2ууланд нь түүний буруу байхгүй. Энэ багт байгаа найдаж болох тоглогчдын 1 нь яах аргагүй. Төвийн хослол маань хэсгийн эхний 2 тоглолтонд сайн байсан, сайн ойлголцож, элдэв дэмий алдаа гаргалгүй класс тоглолтыг үзүүлэв, гэхдээ хэсгийн хамгийн сул багийн эсрэг байж боломгүй алдаа нилээд их гаргаад амжив, хий нь гарсан гэж найдий, түр зуур хэмнэлээ алдсан байх. Ерөнхийдөө хамгаалалтын тулгын гурав маань боломжийн сайн байгаа.
Хагас-н сул тал. Нэн тэргүүнд Паулиньо энд бичигдэнэ, энэ хүртэл тэмцээний туршид Сколари түүнд найдсан, боломж олгосон, өнгөрсөн жилийн Паулиньо-г харахыг хүссэн. Гэхдээ үнэхээр болсонгүй, 3 тоглолтонд бүгдэд нь дэндүү хангалтгүй байснаар гараагаа алдав бололтой. Удаах шүүмжлэмээр хүн бол Оскар, хүлээлтээс тун доогуур. Хэрэгтэй үед гялалзана л гэж найдаж байна.
Хагас-н давуу тал. Густаво. Хэсгийн шатанд үзүүлсэн тоглолтын гүнд орших баатар бол яах аргагүй Густаво. Түүний бөмбөг таслалт, хамгаалалт, довтолгоо эхлүүлэх зэрэг төвд ганц гялтайж байгаа зүйл. Цаашдаа ч ийм байх болвуу. Фернандиньо, Рамирес, Бернард - Фернандиньо-н саяны тоглолтонд үзүүлсэн импакт багийн дунд шугманд дутагдаж байгаа зүйл. Төвийн санаачлага, найруулга, хамгаалалтанд сайн оролцдог зэрэг нь багт ихийг өгнө гэж харж байгаа. Бернард, Рамирес, сэлгээнээс х-фактор болох тоглогчид, Рамирес эхлээд сэлгээнээс орж ирээд нөлөө үзүүлж чадаагүй ч сүүлийн тоглолтонд сэлгээнээс орж ирмэгцээ маш сайн тоглолт харуулав. Зөв мөчид сэлгээнээс тоглолтыг өөрчилж чадах тоглогч гэж байгаа. Бернард-г шигүү хамгаалалттай багийн эсрэг, Рамирес-г довтолгоо зонхилсон багийн эсрэг сэлгээнээс ашиглавал үр дүнгээ өгөхөөр харагдсан. Сколари ч үүнийг мэдэрсэн бололтой, өнгөрсөн тоглолтонд Рамирес-г оруулж үүнийг баталсан.
Довтолгооны сул тал. Энэ багийн хамгийн сул байрлал, номер 9 - Фред. Бразилчууд тоглогчдоор дутлаа дутлаа гээд довтлогчийн гачигдалд орно гэж хэн санахав, ийм нөхрийг гараанд зоочоод залбираад суухаас өөрийг хийж чадахгүй байна гэдэг үнэхээр асуудал. Сэлгээнд ч орлоод олигтой импакт өгчих тоглогч алга. Өөр нэг асуудал бол Халк, орон гаран нөхөр байна, хэсгийн 2 тоглолтонд тоглосон, яг бодитой өгсөн үр дүн байхгүй, мөн л гараанаас жийчих хэмжээний тоглогч бидэнд алга, яахав Фред-н хажууд зүтгэлтэй, потенциалтай, гэхдээ нэг л эвээ олохгүй байх шиг, хасагдах шатанд сайн тоглолтоо харуулаасай л гэж итгэхээс өөр арга алга даа.
Довтолгооны давуу тал. Ганцхан тоглогч л байх шив дээ, 22хон настай нэг хүү шигшээн довтолгоог үүрч байна, Бразилийн шигшээн фэнүүд тэр чигээрээ түүнд л найдаж байдаг яана даа, битүү хамгаалаад, Неймар-г нам марклахад яаж гоал оруулах юм байгаам бүү мэд, хэрвээ Неймар байхгүй бол Бразил бараг ДА-д орж байгаа дундаж багуудын л нэг болох шинжтэй.
Цаашдын гараа, өөрчлөлт. Энэ дээр Сколари саяны тоглолтын дараа хэлсэн, ер нь Паулиньо дахиж гараанаас гарахгүй байх, сэлгээнээс ч хэцүү, дунд 1-р сэлгээ Рамирэс байгаа. Ерөөс манай дундын шугам ажиллахгүй байгаа байдлыг ажилд оруулах тоглогч нь Фернандиньо гэдгийг бүгд сайн харлаа. Оскар, Густаво, Фернан гэсэн гурвал дунд цаашдаа гарна, ганц жигүүрээр биш төвийн санаачлага нэмэгдэнэ гэж үзвэл довтолгоо илүү хүчтэй, дунд шугманд хяналттай болно гэж бодож байна. Их гоё өөрчлөлт явагдах шиг боллоо. Сколари ер нь шигшээд ирснээсээ хойш маш чимээгүй олон өөрчлөлт, шинэчлэлийг хийсэн, энэ удаад Паулиньо-г яагаад ингэж удаан гараанд байлгав гэвэл тоглогчдод их итгэл, дэмжлэг үзүүлдэг чанар нь ингэж цаг авахад хүргэсэн болвуу, зарим үед энэ чанар нь олигтой тоглохгүй байгаа нөхдийг сэргээдэг тал бий. Гэхдээ Паулиньо дээр хэрэгжсэнгүй тул хасагдах шатнаас өмнө өөрчлөлт хийх хэрэгтэй гэдгийг өвгөн ойлгосон байх. Юутай ч
Чили-тэй туллаа. Хэсгийн тоглолтуудаас харвал Чили шиг битүү морьд ховор байна, довтолгоо сайтай, ворк-рэйт өндөртэй нөхдүүдээр дүүрэн залуухан багтай таарлаа. Сүүлд Голланд-тай хийсэн тоглолтыг харвал дундын шугманд нь Видал-г барьчихад урагшаагаа явуулах тэжээлийг нь таслах боломжтой л юм гэж бодов. Хамгаалалт нь мөн тэдний сул тал. Тэгээд шигүү хамгаалалттай багтай тулснаас адилхан довтолдог багтай үзсэн нь манайд дээр л дээ, ер нь харилцан довтолсон гоё тоглолт болох болвуу гэж тааж байна.