Портуагалын Alta Definiçao тв-ын сэтгүүлч Daniel Oliveira Кристиано Роналдотой хийсэн ярилцлага, саяхан сарын өмнө нь л хийж. Энэ ярилцлагаас түүний шилдэг нь байхийн тулд ямар их хөдөлмөрлөдөг талаар мөн хувийн амьдрал, дотоод сэтгэлийн талаар багийг ч болов мэдрэх бизээ.
Таныг Кристиано гэж дуудахуу? эсвэл Роналдо? Манай гэр бүлийнхэн намайг Роналдо л гэдэг. Сургуульд байхад Кристиано гэдэг байлаа. Би өөрөө бол Кристиано гэж дуудуулах дуртай байдаг. Яагаад гэхээр бага нас минь санагддаг юм. /инээв/ Зарим нь бүр Ронни ч гэдэг. Ер нь ихэнхдээ л Роналдо гэдэг юмдаа.
Таны мэргэжлийн тоглогчын карьераа эхэлсэн 2003 оноос хойш юу өөрчлөгдөв? Мэдээж 10 жил өнгөрсөн учраас маш их зүйл өөрчлөгдсөн, би батгатай өсвөр насны хүүхдээс цайвар арьстай залуу болсон байна./инээв/ Энэ хугацаанд хувийн амьдралын ч тэр тоглогчын түвшинд ч үргэлж сайжирч ирсэн. Би хөлбөмбөгчны замналынхаа олон мөрөөдлийг биелүүлж байна. Мөн миний амьдрал сайхан байна, би амьдралаасаа аз жаргалыг мэдэрч байна. Миний найзууд, гэр бүлийнхэн, найз бүсгүй минь миний аз жаргал.
Чи амьдралаас юуг ойлгож сурч авсан бэ? Би олон зүйлийг ойлгосон. Би илүү сэтгэлийн тэнхээтэй болсон гэж боддог.11 настайдаа гэр бүлийнхэнээ, төрсөн гэрээ орхиод явах их хэцүү байсан. Тэр үе бол миний амьдралын хамгийн онцгүй үе байсан. Би гэрээсээ явах цүнхнүүдээ баглаж байхдаа сэтгэлээ барьж чадсанаа санаж байна. Өнөөдрийг хүртэл туулсан амьдрал минь надад сэтгэлийн тэнхээ хүч чадал өгсөн гэж би боддог.
Хөлбөмбөгийн од байх ямар байдаг вэ? Би бол энгийн л нэг залуу, би бусдын л адил ах дүүтэй, амьдралтай, бусдын л адил ажилтай. Өдөр бүр би ажилладаг. Би хэнээс ч өөр биш.
Чи өөрийгөө илүү сайн байлгахын тулд юу хийдэг вэ? Би өөрийнхөө статистик мэдээллийг анхаардаг. Хөлбөмбөгт статистик бол маш чухал зүйл. Хэрвээ статистик үзүүлэлт нь сайн биш бол хэн ч шилдэг нь биш.
Чиний давуу тал? Би өөрийгөө дээд зэргийн өрсөлдөх чадвартай гэж боддог, би маш шургуу бэлтгэлээ хийж их хөдөлмөрлөдөг. Би хагас дутуу зүйл хийх дургүй, хэрвээ ийм байвал сайн үр дүнд хүрэхгүй. Надтай хамт ажилладаг хэн нэгнээс асуувал намайг мэргэжлийнхээ хувьд үлгэр жишээч гэж хэлэх байхаа.
Тэгвэл чамд дутагдал бий юу? Мэдээжийн хэрэг надад дутагдал бий бий. Би ялагдах дургүй. Заримдаа би хожигдлын дараа өөрийн бодолгүй зүйл хэлчихдэг. Гэхдээ багийнхан дотроо байхад 3-4 минутын дараа л хэвийн болчихдог л доо. Багийн андууд маань ч үүнийг маань маш сайн мэддэг. /инээв/
Юу чамайг үргэлж зоригжуулж бэлтгэл бүрт чинь хүч чадал тэмүүлэл болдог вэ? Би үргэлж урагшаа тэмүүлж өөрийгөө зоригжуулдаг. Гэхдээ худлаа ярьмааргүй байна. Мэдээж зарим өдрүүдэд өглөө сэрэхэд би маш их ядарсан байдаг. Гэхдээ хэзээ ч би бэлтгэлээ тасалж байгаагүй, цаашид мөн адил. Яагаад гэвэл надад илүү зорилго бий, тэр маань намайг илүү сайжрахыг зогсолтгүй байхад хөтөлдөг.
Энэ бүгдэд нөлөөлдөг хамгийн хүчин зүйл юу вэ? Миний гэр бүлийнхэн. Тэд маань миний сайн муу бүх үед маань хамт байсан. Би хувь хүний төлөвшил, боловсрол гээд бүх зүйлийг гэр бүлээсээ авсан, тэдэндээ маш их баярладаг.
Таны өнгөрсөн аав үргэлж бодогддог уу? (сэтгэл хөдлөлтэйгөөр) Би хэзээ ч аавийгаа мартахгүй. Аавын маань хэлсэн, сургасан зүйл одоо ч амьдралд минь чухал нөлөө үзүүлдэг. Надтай хамт байдаг гэж боддог.
Аавын таньд таньд өвлүүлсэн зан чанар юу бол? Шазруун чанар, өөртөө итгэх итгэл. Аав маань өөртөө итгэлтэй хүн байсан. Аав маань хүүхдүүрээ бахархдаг байсан. Бас хүүгээрээ надаар бахархдаг байсан, яагаад гэвэл би үргэлж шилдэг нь байсан.
Ээж тань таньд ямар нөлөө үзүүлсэн бэ? Миний бодлоор ээж минь надад хамгийн их нөлөө үзүүлсэн хүн. Гэхдээ мэдээж аав маань ч гэсэн надад ихийг өгсөн. Аль алинийх нь дүнд би хүн болсон. Хувьд хүнийхээ хувьд би аавтайгаа төстэй байх, бусад зүйл дээр боловсрол хүмүүжлийн хувьд ээж минь нөлөөлсөн.
Таньд эцэг эхээс өгсөн сургааль юу вэ? Ээж минь "Амьдралын төлөө тэмц" гэж хэлдэг. Зорилгынхоо төлөө мэрий гэж. 11 настайдаа Лиссабон-руу явах болоход ээж минь надад: Хэрвээ чи үүнийг хийхийг хүсч байгаа бол хийх хэрэгтэй" гэж хэлж байсан. Аав маань хөлбөмбөгт их дуртай, надад их урам зориг өгдөг байсан. Аав маань Adorinha клубын арын албанд ажилладаг байсан, аавын маань хүсэл нь намайг том клубт тоглож зурагтаар намайг харахыг хүсдэг байсан. Надад энэ талаар ярихад гунигтай байна, хэрвээ аав маань намайг одоо үед миний амжилтанд хүрснийг минь харсан бол үнэхээр сайхан байх байлаа. Гэхдээ аав маань намайг тэнгэрээс хардаг гэдэгт би итгэдэг.
Туйлширсэн фанатууд? Заримдаа тэдэнтэй тааралддаг. Манчестер хотод өглөөний 6 цагт намайг сэрэхэд манай гэрийн хашааг даваад миний нэг фэн манай гэрийн хаалгаг тогшиж байсан. Ийм нөхцөл байдал их хэцүү. Тэд үргэлж надтай хамт байхыг хүсдэг, бүр гэрт минь хүртэл шүү.
Таньд ямар эмэгтэй таалагддаг вэ? Миний зүрх л мэднэдээ. Энэ бол хамгийн чухал зүйл /инээв/.
Сколари хэлж байсан шүүдээ: "Бусад хүмүүс Роналдод атаархдаг, тэр бол өндөр, царайлаг ямар ч хүүхнийг эзэмдэж чадна" гэж ? Оох энэ хошигнол л доо. Эхний 2 үг нь үнэн байх. Сүүлчийнх нь бол бишээ.
Иринагынхаа талаар яриач? Бид бие биенээ маш сайн ойлголцдог. Тэр өөрийн хувийн амьдралтай, би мөн адил. Би өөрийнхөө онцлогыг, тэр ч мөн өөрийнхийгөө өөрчлөхгүйг хүсэхгүй, яагаад гэвэл энэ бол хувь хүний үнэ цэнэ. Бид хамтдаа байхдаа жаргалтай сайхан байдаг. Бид хоёр бол жаргалтай хосууд, бид олон зүйл дээр бие биендээ тохирдог.
Чи орос хэллэгүүд мэддэг болсон биздээ? Мэдээж. Зарим нэг зүйлсийг мэднээ.....баярлалаа, өглөөний мэнд, оройн мэнд гэхчлэн.
Чи түүний дотуур хувцсанд дуртай юу? Тиймээ, маш их /инээв/ (Түүний найз бүсгүй дотор хувцасны модел юм)
Ямар төрлийнхд нь дуртай вэ? /инээв/ Би нарийвчлан хэлж чадахгүй нээ, үүнийг маань миний ээж, эгч нар маань үзнэ шүүдээ.
Чамд тоглолтын өмнө үйлддэг ямар нэг заншил бий юу? Байдаг зарим нэг зүйл бий. Би багийнхантайгаа ярилцдаг, бие биендээ амжилт хүсдэг. Хувцас солих өрөөнд хөгжим сонсдог. Бид өөрсдийн гэсэн ялалтын ёслолтой болсон шүү.
Тоглолтын дундуур хамгийн төвөгтэй санагддаг зүйл юу вэ? Өрсөлдөгчид маань намайг нэрээр минь дуудах үед. Ийм зүйл дандаа болдог. Үүнийг нь үргэлж анхаарахгүй байх хэцүү байдаг.
Та Португаль орондоо хайртай юу? Бид хэн гэдгээрээ, Португальчууд гэдгээрээ бахархахдаг.
Таны талаар хэлж байсан муухай зүйл юу байсан бэ? Маш их зүйл байсан....тэд олон янзаар хэлдэг...биеээ тоосон, **н**, гээдл
Гэхдээ таньд тэр бүгд таны сэтгэлийг зовоодоггүй биздээ? Тиймээ, яагаад би үүнд шаналана гэж.
Португалын шигшээ багийн ахлагч байх ямар санагддаг вэ? Шигшээ багийн ахлагч байна гэдэг нэг тоглогчоос Португаль орноос өгч буй хамгийн том хүндлэл. Португалийн шигшээ багийн ахлагч байна гэдэг үнэхээр том бахархал.
Шигшээ багийн тоглогч байхад эхний минутаас сүүлчийн минут хүртэл тэмцэж байдаг.
Одоо чи бол шигшээ багийнхаа туршлагатай тоглогчдын нэг болсон шүүдээ. Тиймээ би бол ахмадуудын нэг /инээв/. Цаг хугацаа хурдан өнгөрчээ. Аль хэдийн л би шигшээ багтаа тоглоод 10 жил болчихож. Энэ бол сайн зүйл бас би үүгээрээ бахархаж байна. Манай шигшээ багт олон шилдэг клубын шилдэг тоглогчид байна. Би шигшээ багийнхантайгаа сайхан найзууд, тэд бол гайхалтай тоглогчид. Португаль бол том тэмцээнд түрүүлэх бүрэн чадавхтай баг.
Евро 2012? Бид шилдэг амжилт гаргаж чадна гэж хэлж чадах байна. Бид Португалын төлөө эхний минутаас сүүлчийнх нь хүртэл тэмцэнэ.
Португаль оронд эдийн засгийн хэцүү нөхцөл байдал байгаа. Манай орон хүнд нөхцөл байдалтай нүүр тулсан, гэхдээ үүнд шантарах ёсгүй. Бид өөдрөг байх хэрэгтэй. Эерэг энергийг түгээ.
Хэзээ нэгэн цагт та бусдад атаархаж байсан уу? Тиймээ, би бага байхдаа машинтай болохыг хүсдэг байсан....Үүнээс өөр зүйл байхгүйм байна.
Хүү чинь чамайг өөрчилж чадсан уу? (Бахдалтайгаар) Маш их. Хүүхэдтэй болж байж л үүнийг мэдрэх байх. Үгээр тайлбарлаж чадахгүй нь. Энэ бол чиний зүрхнээс, дотроос гарах мэдрэмж. Би мөрөөдлөөрөө амьдарч байна. Үнэхээр гайхалтай сайхан. Хүү маань одоо ярьж чаддаг болсон: бөмбөг, машин, ааваа гээд л. Бид хамтдаа дуулдаг. Хүүгээ анх миний хүүхэд гэж харсан үе маань үнэхээр сайхан байсан. Үнэхээр хөөрхөн. Би хүүтэйгээ адилхан олон хүүхэд харж байсан ч тэр маань нэг л өөр. Тэр мөч бол үгээр хэлшгүй. Би бүгдийг санаж байна. Түүнийг өлгийдөх, усанд оруулах, үсийг нь угаах гээдл. тэр их ширүүн үстэй яг над шиг. Би гэхдээ энэ талаар сайтар тунгаан бодож байгаагүйм байна. Миний амьдрал бол минийх өөр хэнийх ч биш шүүдээ.
Хамгийн сүүлд та хэзээ уйлсан бэ? Хэзээ уйлснаа сайн санаж байна. Би тэр үед үнэхээр уйлсан. Аваргуудын лигийн хагас шигшээн тоглолтонд торгуулийн цохилтоор ялагдах үед. Тэр их их хүнд байсан. Би сэтгэлээ барьж чадаагүй уйлсан. Тэр тоглолт маш чухал байсан ч би торгуулийн цохилтоо алдчихсан.
Бүх цаг үеийн хамгийн шилдэг тоглогч хэн бол? Энэ бол харьцангүй л дээ. Би Пелег харж байгаагүй, бас Марадонаг, өөр олон агуу тоглогчдыг ид үед нь би амьдарч байгаагүй. Гэхдээ би хэд хэдэн агуу тоглогчдыг харж байсан.
Кристиано Роналдо юм болуу? Тиймээ тэр тэдний нэг нь болж болох юм. Би өөрийн хөлбөмбөгийн гайхалтай түүхийн хуудсийг бичиж байгаа, Португалийн шигшээ баг, клубын түвшинд ч тэр.
Таны төрх байдал? Би өөрийнхөө юуг ч нуудаггүй. Би хүмүүсийн үгээр эсвэл хэн нэгнээс өөрийнхөө дүр төрхийг нуухыг хүсдэггүй. Би үргэлж өөрийнхөө дотоод сэтгэлийн тухай ярьдаг. Зарим нь үүнд дуртай байдаг, бусад нь дургүйцдэг.
Balon d’Or? Би өөртөө найдаж байгаа. Авахыг хүсч байна. Үүний төлөө шилдгүүдтэй өрсөлдөнө.
Таны мөрөөдөл? Надад мөрөөдөл бий. Португалын шигшээ багтайгаа том тэмцээнд түрүүлэхийг мөрөөддөг. Өшөө олон тэмцээнд түрүүлэхийг, хэд хэдэн хүүхэдтэй өнөр өтгөн гэр бүлтэй болохыг хүсдэг. Би мөрөөдлийнхөө амьдралаар амьдарч байгаадаа баярладаг.
Таны хүү магадгүй таниас мундаг хөлбөмбөгчин болох боловуу? Хэцүү сорилт шүү. Гэхдээ би хүүгээ хөлбөмбөгчин болвол дуртай байх болноо. Энэ ч мөн миний мөрөөдөл. ГЭхдээ мэдээж хүү минь өөрийнхөө хүсвэл. Би түүнийг 100% дэмжих болно.
Таньтай ярилцах үнэхээр сайхан байлаа. Надад ч мөн адил. Бүх Португаль хүмүүс аз жаргалтай байгаасай. Сайн сайхныг хүсье.
http://www.youtube.com/watch?feature=player_embedded&v=5xIJ_MhGuSg Бичлэгийнх нь ард гоё гоё дуунууд явах юмаа.