Чөлөөт бөх

[ider]

"2020 оны ОЛИМПийн спортын төрлүүдээс ЧӨЛӨӨТ БӨХ хасагдах юм байна. 5-р сард ОЛОН УЛСЫН ОЛИМПИЙН ХОРОО хуралдаж батлах аж."

гэж байна даа. Одооноос чөлөөтийн ирээдүйн тамирчидаа Сонгомол рүү шилжүүлэхгүй бол болохгүй нь дээ. Сонгомол бол одоогын нөхцөл үндэсний бөхтөй ч цуг хөгжих боломжтой төрөл дөө

[uundaa]

Сонгомол ч гэсэн хасагдсан шүү. Чөлөөтийн багцдаа багтдаг байсан.

[Zugii]

Vзэгч багтай Энэ тэр гээд хасч бгаа гэлvv

[galaa039]

хасна гээд аль дээрээс яригдаад байдаг байсан. Гэхдээ олимпын анхны спортуудын нэг гээд байлгаад байдаг. Яаж шийдвэр гарах юм байгаа юм бол доо.

[kayo]

Өө хөөрхий, чөлөөт бөх хасагдчихсан байх шив, хэдэн жил олимпт нүүр тахалж байсан спортсон. Одоо ингээд самбо шиг л болох нь дээ.

[Takanohana_Nowitzki]

Ээ чааваас. одоо тэгвэл чөлөөт бөх навс унах юм бна л даа. жүдо хаданд гарах нь дээ. одоо үзэж байгаа хэд нь 16оныхд хамаг юмаа гаргаал дуусах нь дээ. шинээр барилдаж байгаа хүүхдүүд жүдоруу л орохым бна даа.
ёстой харамсалтай мэдээ бна. Лондонгийн олимпоор ч эрэгтэй нь бол үнэхээр уйтгартай байсан л даа. харин эмэгтэй нь давгүй болсон санагдана.

[nyamaa.lfc]

Манайхны ТОП-4 өөс л хасагдлаадаа, одоо тэгээд хичээллэх хүмүүс их багасах байхдаа. Болдог бол нөгөө сумог оруулчуулч найдвартай л даа

[champion]

ОУОХ-ноос 30 төрлийн шалгуур үзүүлэлтээр шалгаж санал авч тэгсэн чөлөөт хамгийн ардуур санал авсан гэнэ лээ. одоо тэгээд ямар ч үзэгчгүй болсон тэгж байгаа байх л даа. Олимпод орлого оруулахгүй дээрээс нь энэ дүрмийн өөрчлөлтийн балай алдаанаас болоод гоё үзүүштэй барилдаан гарахаа ч байснаас болоод тэгж байгаа байх. нээрээ манайхан айхтар хөл аваад партерт барилдаад байдаг байсан биш одоо сонгомолд бас анхаарал хандуулах хэрэгтэй.

[mugi19]

Хэт уйтгартай болсон л доо, угаасаа энэ хоёрын аль нэгий нь хасах гээд эртнээс ярьж байсан.., уг нь чөлөөт нь сонгомолоосоо арай олон үзэгчтэй баймаар юм..,
Хөлөөрөө барилддаг нэг, гараараа барилддаг нэг барилдаан л үлдэх юм биздээ..,

[Takanohana_Nowitzki]

Сонгомол нь үлдэж байгаам уу? Чөлөөт нь сонгомолоос нээрээ арай дээр баймаар юм.

[champion]

чөлөөт бүхэл оноо бага авалцдаг болсон нь бас нөлөөлсөн байх. одоо ер нь дандаа л 1 оноо авчаал хамгаалчдаг, эсвэл клинч хүлээдэг тэгээл ер нь 1 онооны л тактикын барилдаан хийдэг болцон. Сонгомол нь яахав бас анх үүсэл нь дээрээс чөлөөт бодвол цээж барилдаан учраас бүхэл оноо авалцдаг арай үзэх юмтай юм уу даа. хамгийн гол нь үзэгчдийн тоо нь л цөөрөөд байгаад байна л даа. ОУОХ-нд ямар ч орлого оруулахгүй байгаа биз. Хуучин зөвлөлтийн орнуудад л тэмцээн болбол заал үзэгчтэй байдаг гэнэ лээ

[Брон]

Ер нь л дүрэм нь шал хошин болцон байна лээ дээ. Нэг үед нь 7-0 болчоод үлдсэн 2 үед нь 0-1, 0-1ээр ялагдлаа гэхэд онооны хувьд 7-2 ч гэсэн 2 үе ялагдсан гэдгээр нь нөгөө баачка нь ялах жишээтэй. Харин миний мэдэхийн 2000-аад оны үед дүрэм нь харьцангуй гоё болж ирж байсан гэж санагддаг шдээ. Жишээ нь 2001 онд манайд Азийн аварга болж байхад бол 3 үедээ илүү оноо авсан нь л ялдаг байсан санагдана. Өөрөөр хэлбэл тухайн нэг үеийн ялагч гэж байхгүй нийлбэр оноогоороо ялдаг.

[hosko]

Монгол Улсын олимпийн наадмаас авсан нийт 24 медалийн 9-ийг ЧӨЛӨӨТ БӨХ-ийн төрлөөр авсан байдаг./Лондонгийн олимпийн өмнө 19-с 8 нь, Бээжингийн олимпийн өмнө 15-с 8 нь /50 хувиас илүү нь!!!/ байлаа/. Манайхан Олимп болохоор л чөлөөт бөхийн тамирчдаа амжилт гаргана гэж найддаг. Даже, ТӨР нь хүртэл шүү. ТОП-4 төрөл гэж гаргаад, эдгээртээ бусад спортоос илүү мөнгө төсөвлөж, Олимпийн тэнгэрт Монгол Улсынхаа далбааг мандуулна гэж бараг л гэймблдэнэ. Гэтэл, Олон улсын олимпийн хорооноос өнөөдөр чөлөөт/сонгомол бөхийг 2020 оны Олимпийн наадмын төрлөөс "одоогийн байдлаар" хаслаа. Манайхан ч их бухимдана даа. Би хэдий чөлөө бөхөд дуртай ч үүнийг маш эрүүл зөв, шийдвэр гэж бодож байна.

"Олимпийн наадам" бол 4 жилд нэг удаа зохиогддог асар том "шоу-бизнес". Хамгийн саяхны жишээг дурдахад л "Лондон-2012" олимпийг зохион байгуулахад 8.9 тэрбум паунд зарцуулагдсан бөгөөд үүний үр дүнд 2017 он гэхэд тус улсын эдийн засагт 16.5 тэрбум паунд орж ирнэ гэсэн судалгаа байна. За, тэгэхээр 4 жил хүлээлгэж байгаад, сар гаруйхны дотор бужигнуулдаг болохоор агшин бүр нь үнэтэй. Тэгэхээр үзэгчдийн сонирхлыг татаж чаддаггүй спортын төрөл хасагдах л жамтай. Чөлөөт/сонгомол бөхийн спортыг хасах шийдвэр гаргахдаа ТВ-ийн рэйтинг, билетний борлуулалт, сэргээшийн асуудал, дэлхийн даяарх сонирхогчдын тоо зэрэг 30 гаруй ангилалтай судалгааг үндэслэсэн болохыг http://www.bbc.co.uk/sport/0/olympics/21427455 энд дурджээ. 3-хан сая гаруй хүн амтай Монгол Улс олимпийн наадамд амжилт гаргахын тулд тамирчиддаа насан туршид нь мөнгө амлаад, улсынхаа төсөвт олимпийн бэлтгэлд зориулан мөнгө суулгаад байхад түүнийг нь тоох ч үгүй ТОП-4 төрлийнх нь нэгийг нулимаад хаядаг Олон улсын олимпийн хороо үгүй ээ мөн хүйтэй сэтгэлтэй еэ! Нөгөө Олимпийн наадмыг магтан хүн төрөлхтний их баяр наадам, хүмүүнлэг, энхтайвны билэг тэмдэг гээд маргаад байсан нөхөд минь ээ, юу болчихов оо!

Чөлөөт бөхийн спорт яагаад хасагдах дээрээ тулав? Хамгийн түрүүнд энэ спортод ЦӨӨН ХЭДХЭН УЛС ноёлдог: Ази, Европоос ЗХУын бүрэлдэхүүнд байгсад, Иран, Япон, 2 Солонгос Америк тивээс АНУ, Куба, бараг л ингээд гүйцээ. Ингэхээр сонирхогчдын цар хүрээ автоматаар хумигдана. Үзэгчид, сонирхогчдынхоо тоог нэмэхийн тулд бөхийн барилдаанаа өрсөлдөөн, сонирхолтой болгох гэж байна гээд дүрмээ бараг жил бүр өөрчилдөг болсон. Огт мэддэггүй хүн үзэх юм бол ойлгох ч үгүй. Сумо шиг дэвжээнээс түлхээд гаргахаар амархан 1 оноо өгөөд байхаар чинь хэн юу гэж л орооцолдсон уран барилдаан гаргах вэ дээ. Нэг үе үзээд л олон оноо авсан нь ялдаг байхад л хамгийн амар, ойлгомжтой байж. Одоо хэн түрүүлж 2 үе ялсан нь ялагч болох ба 3-н үеийн барилдаан гарахад нийлбэрээр олон оноо авсан нөхөр ялагдаж л байдаг юм. Ийм сонирхолгүй болоод байгаа юмыг чинь хэнбугай тоох билээ дээ. ЗХУ гэсэн асар том массын үлдэгдлээр л амьд явж байгаа спорт байх. Магадгүй энэ инерциэрээ ОУОХ-ын дараагийн хуралдаанаар Олимпийн төрөлд орохоор өрсөлдөж байгаа бусад спортуудаа дараад буцаад ороод ирж ч магадгүй.

Гэтэл, Олимпийг Монгол Улсад хамгийн урт удаан хугацаагаар мэдэж байгаа Д.Загдсүрэн дарга ТА ийм эрсдэл байгааг харсан уу? Үүнийг мэдсэн бол нөгөөх мөнгө цацах зарлигаа Ц.Элбэгдорж ерөнхийлөгч гаргах байсан болов уу? Бас л сонин!

Бид эндээс юуг ойлгох хэрэгтэй вэ? Муу хүний заяа завагт гэгчээр манай спортын удирдлагын олон жил хараагүй, ухаараагүй байсан юмыг өнөөдөр ОУОХ хийгээд өгчихлөө. Хамгийн сайн нь ирээдүйд спортод хамаг цаг зав, амьдралаа зориулах тавилантай хүүхэд дүү нарт маш том сургамж боллоо. Мэргэжлийн төвшинд спортоор хичээллэе гэж байгаа бол ТА БҮХЭН энэ спортын төрлөөр Олимп, дэлхийн аварга болох нь гол биш юм шүү, харин энэ спортоосоо хоолоо олж идэх боломжтой юу гэдгийг нь харж, ухаарч сонголтоо хийгээрэй.

Мөнхтөрийн Цолмонгийн Нүүр номоос

[tunbaa]

gehdee orsuud bas boon uur bainaa amerikchuud ene buhniig hiilee gejiishuu uchir n beejingees 6 londongoos 4 alt avsiimuu ali esvel medal yumuu enuugeer neg amerikiig haraasan medee ha ha baseball olimpiin torol bolno l gene orond n ha ha hecuuch yumdaa

[rednasca]

бэйсбол чинь угаасаа байдаг биз дээ?...
мэргэжлийнх нь л ордоггүй байх...

[Yes Man]

Гольф орох гээд байгаа сурагтай.....

[champion]

Регби бас орох гээд байгаан биш үү.

[Takanohana_Nowitzki]

Хүн үздэгээрээ л гэдэггүйм бол хичээллэдэгээрээ бол энэ хэд чөлөөтийн дэргэд нус биз дээ?

[galaa039]

Чөлөөт хасагдахгүй л гэж бодож байна.

Өмнө нь хасагдах гээд FILA гаас дүрмын өөрчлөлт энэ тэр гээд олон арга хэмжээ явуулж байгаа шүү дээ.

[champion]

Одоо тэгээд сүүлийн шийдвэр гарахаас өмнө амжиж дүрмээ өөрчилж санал авахгүй л бол хасагдаж болно л доо. тэгээл 2024 оныхоос эргээд орж ирдэг ч юм уу нэг юм болно биз

[Khosoo]

Чөлөөт бараг хасагдах байх аа. Одоо 5 сард болох хурлаар хэдэн спорттой хамт өрсөлдөөд орох эсэхээ шийднэ. Нэгэнт хасчихсан спортоо нэмнэ гэж худлаа биз

[Khosoo]

39 үзүүлэлт байсан гэсэн. Хэдийгээр модерн пентатлоноос үзэгч, гишүүдийн тоогоор илүү ч ОУОХ-ны олон шаардлагыг биелүүлээгүй юм билээ. Нийт 10 оноогоор дүгнэвэл пентатлон 5,2, чөлөөт 5-аас бага оноо авсан гэнэ. Бас сая гүйцэтгэх зөвлөлийн хурлын өмнө маш муу ажиллажээ. Тэквондо гэхэд Солонгосын Ерөнхийлөгч, том албан тушаалтнууд нь захидал бичиж, гуйгаад л, модерн пентатлоны Ерөнхийлөгч Шорман гэхэд л Лозаннд хэд хоног ёстой завгүй байсан гэнэшд.

Харин сонгомлын тухайд хамтдаа хасагдана.

[Kro]

Энэ тээд Оросууд юм ярихгүй байгаан байх даа. Нөлөөлүүл нөлөөлөхөөр дөө уг нь. Олимпоос бараг хамгийн их алтан медалийг нь авчирдаг төрлүүд нь биз дээ.

[galaa039]

америк ч гэсэн дээ. Их сургуульд нь хүртэл хичээлийн хөтөлбөрт нь чөлөөт бөх шиг өөрсдийн бөх нь байдаг ш дээ.

[Takanohana_Nowitzki]

Хамрах хүрээ, оролцдог орны хувьд тэр юун бейсбол регби гольф шд. дүрэм нтрээ аятайхан болгоод сонирхолтой л болгох хэрэгтэй байгаа болохоос өчнөөн улсын чухал спортын төрөл шд. үүх түүхээ бодсон ч муухай юм даа. анхны төрлүүдийн нэгээ ингээд жийчихээр.

http://sport.news.mn/content/134216.shtml
http://sport.news.mn/content/134198.shtml