Тони Адамс Азербэйжаны Габала гээд клубын менежерээр томилогдож гурван жилийн гэрээ байгуулжээ. Азербэйжаны хөлбөмбөгийн лиг нь зургаан багтай бөгөөд энэ баг нь зургаад явж байгаа юм байна. Мань эрд энэ клубыг бараг шинээр эхлүүлэх хэмжээний ажил нь таалагдсан гэж байна. Англид бол иймэрхүү чэллэнж бараг олдохгүй би их баяртай байгаа гэх ухааны юм ярьжээ.
Арсенал Лэдиэс баг маань харин Лийдс Карнежи багтай тоглож 3-0 харьцаагаар хожсоноор лигийнхээ ээлжит нэгэн түрүүг авчээ.
Алекс Сонг маань ирэх улиралд өөрийнхөө тоглолтод гоол нэмэх бодолтой байгаа юм байна. Өөрийгөө их сайжирсан гэж бодож байгаа тухай бас хүссэн хэмжээгээрээ гоолдохыг оролдоод байж болохгүй тухай ярьж. Мэдээж гоолдох сайхан тэгэхдээ миний үндсэн ажил бол сайн дамжуулалт өгөх. Зай гарвал довтолж болох ч би эхлээд хэн илүү байрлалд байгааг харах ёстой энэ тэр гээд ярьжээ.
Манай захирлуудын нэг Кэн Фрайр Лигийн Менежерүүдийн Холбооноос Хөлбөмбөгт оруулсан хувь нэмрийнхээ төлөө шагнал авчээ. Тус холбооны ерөнхийлөгч Фабио Капелло, удирдах зөвлөлийн дарга Ховард Вилкинсон нар шагналыг гардуулсан байна.
Кэн Фрайр нийт 50 гаруй жилийн турш Арсеналтай ажил амьдралаараа холбогдож ирсэн гавъяатай хөгшин буурал юм. Түүний хөдөлмөрийг үнэлж засгаас 2000 онд OBE (Order of the British Empire) цол хүртээж байсан байна.
