by zigo » Sun Jul 20, 2008 3:12 am
Хэхэ юун сүрхий юм болоод өнгөрцөн юм бэ дээ. Зизу Харгиг Байернд байсан болохоор нь, Паяасо Аргентин болохоор нь Машегаа өмөөрцгөөж. Харин надад аль аль багийн тоглогчид огт хамааралгүй учираас жинхэнэ хөндлөнгийн дүгнэлт хийх гээд үздэг юм билүү.
Хөөлгөчид.
Ливер: Рейна бол дэлхийн шилдэг хаалгачдын нэг. 26-хан настай ч маш туршлагатай хаалгач бөгөөд жилээс жилд тогтмол сайжирч байгаа. Ливерт тоглоод 3 жил болж байгаа ч жил бүрийн Barclays Golden Glove шагналыг авсан. Гэвч багаараа 2005-06 оны FA Cup-ийн цомоос өөр олигтой түрүү байхгүй. Үнэлэмж: 9 оноо
МАНУ: Саар МАНУ-д Рейнагийн нэгэн адил 2005 онд ирсэн ч гэлээ дэндүү хөгшин 34 настай байлаа. Гэвч тэрээр энд ирээд дахин "төрсөн" юм. Цагтаа цалгиж явсан гэж яригдаж байсан өндөр "өвөө"/197см/ МАНУ-д ирээд 3 улирлыг үдэхдээ ПЛ-ийн 2, АЛ-ийн 1 түрүү авахад туслаад байна. Түүний өндөр нуруу, ур чадвар, хур их туршлага, тогтмол байх сэтгэл зүй нь дэлхийн шилдгүүдийн тоонд багтааж байна. Үнэлэмж: 9 оноо
Арын шугам
Ливер: Өнгөрсөн улиралд олон хамгаалагчид нь ээлж дараалан бэртэж байсан ч хаалгандаа 28-хан бөмбөг алдан МАНУ, Челсигийн дараа 3-т орох үзүүлэлтийг үзүүлсэн нь тэдний хамгаалат үргэлж "чанга" байдаг гэдгийг батлана. Өнгөрсөн улиралд бараг тоглоогүй Аггер эргэн ирж байгаа нь тэдний хамгаалалтыг чангалаж байгаа мэт боловч нөгөө талаар хамгаалалтын ноён нуруу болсон Каррагер, Финнан нарын тогтворгүй тоглолт, нөсны "доройтолт" нь залуу тоглогчиддоо итгэл хүлээлгэхэд хүргэх болов уу. Тэгэхээр энэ багийн хамгаалалтыг цайз мэт байна гэж хэлэх аргагүй юм. Гэвч тэдэнд Машерано хэмээх дэлхийн шилдэг хамгаалах чиглэлийн хагас бий. Түүний ур чадвар, тотвортой тоглолт энэ багийн хамгаалалтыг хүчирхэг болгож байдаг.
Үнэлэмж: 8,5
МАНУ: Тэднийг ПЛ-д төдийгүй дэлхийн хамгийн шилдэг хамгаалалтын шугамтай баг гээд хэлчихэд буруудахгүй болов уу. Ялангуяа гол хүч нь төвдөө байдаг. 2005-2006 оны улиралд тэд хаалгандаа 34 бөмбөг, 2006-2007 онд 27 бөмбөг алдаж байсан бол өнгөрөгч улиралд 22-хоныг алдсан нь тэдний хамгаалалтын хэрхэн чанаржиж байгааг илтгэж байх шиг. Үүнд Видич, Браун, Эвра гэсэн залуу хамгаалагчдын "дэвшил" маш их үүрэгтэй юм. Мөн үүн дээр өнгөрөгч улиралд Байернаас ирсэн Оуэн Харги-г дурьдахгүй байж болохгүй юм. Түүний хамгаалах чадвараас гадна бөмбөгийг хамгаалалтаас довтолгоонд шилжүүлэх, довтолгоо дэмжих чадвар нь багийн амжилтанд шууд нөлөөлж байна. Мөн багийн зүүн жигүүрийг хариуцагч франц залуу довтолгоонд тун сайн оролцдог чадвар нь энэ багийн хамгаалалтын шугамыг хамгаалахаас гадна довтолгоонд сайн оролцодгийг илтгэнэ.
Үнэлэмж: 9,5
Дунд шугам
Ливер: Хөлбөмбөг гэдэг гайхамшигт спортыг хамгийн үзүүштэй болгодог хүмүүс бол хагас хамгаалагчид гэж би боддог. Хагас хамгаалагч хүн хамгаалалтанд ч довтолгоонд байнга оролцож байдгаараа бусад байрлалын тоглогчидоос ялгардаг. Тэдэн дундаас "цоорч" дэлхийн шилдэгт багтдаг тоглогч энэ багт байдаг. Тэр нь Ливерийн багийн ахлагч, багийн шилдэг тоглогч Стивен Жеррард юм. Түүний формлог байдлаас багийн амжилт маш их хамааралтай байдаг. Гэвч энэхүү багийн дунд шугамын шилдэгүүд ганцхан Ж гэдэг хүнээр хязгаарлагдахгүй бөгөөд Алонзо, Машерано, Лукасш, Бабел, Пеннант, Бенаюун зэрэг олон авъяаслаг залуус байдаг. Хэдий олон сайн залуустай ч жигүүрийн тоглогчидын ур чадвар харьцангүй бага тул дунд шугамын хүчирхэг байдлыг илт сулруулж байна.
Үнэлэмж: 9 оноо
МАНУ: Нэг талаас авъяаслаг бөгөөд өсөх ирээдүйтэй залуус, нөгөө талаас хур туршлага, гандан буурашгүй чадвар чансаатай "өвөгчүүд"-ийн нэгдэл энэ багийн дунд шугамыг дэлхийд гайхуулж байна. Төвд, жигүүрт, ард, урд гээд тэд хаанаа ч сул талгүй мэт. Ялангуяа багийн "онцгой хүн" Роналду нь албан бусаар энэ жилийн дэлхийн шилдэг тоглогч болчоод байна. Улирлын мэргэн бууч болоход түүнд 25 гоол л хангалттай байсан ч тэрээр 31-ийг хийгээд амжсан. Гайхалтай том амжилт. Гэвч тэрээр өөр багруу шилжих магадлал ихтэй байгаа ч одоогоор яваагүй л байна. Ямартай тэд одоогоор шилдэг нь.
Үнэлэмж: 9,5
Урд шугам
Ливер: Эсрэг багаа хожихын тулд мэдээж гоол хийх хэрэгтэй. Хотон шувуунууд өнгөрсөн улиралд нэгэн "Алтан шувуут"-тай болсон нь тэдний довтолгоог бараг ганцаараа "чирсэн" гэж болно. Мэдээж тэр нь Фернандо Торрес. ПЛ-д анх тоглосон улиралдаа 24 гоол хийж алдарт голланд эрийн амжилтыг эвдэж чадсан нь түүний ямархуу чадварлаг "төгсгөгч" болохыг илтгэнэ. Түүний ачаар 2006-2007, 2007-2008 оны улиралд тус бүр Ливер 57 бөмбөгийг эсрэг багийнхаа хаалганд хийж байсан бол өнгөрөгч улиралд 67-г хийж 10-аар өссөн үзүүлэлттэй байна. Гэвч тэдэнд Торресоос нь өөр гялтайж, гялайчих довтлогч бараг байхгүй. Хэдийгээр Кьоит нь маш их идвэхитэй, хөдөлмөрч залуу ч гэлээ төгсгөл хийхдээ тун маруухан нэгэн. Өөр арай гайгүй нэгэн болох гонзгор шарыгаа тавиад туучихсан. Гэхдээ тэд Тоттенхамаас Кийнийг бараг аваад байгаа. Гэвч түүнийг Торрестой хамт тоглохыг харах хүртэл хэр сайн хослол болохыг нь хэн ч мэдэхгүй шүүдээ.
Үнэлэмж: 8,5
МАНУ: Өнгөрөгч улиралд багаараа 80 бөмбөг оруулсан нь хамгийн сайн довтолгоотой багт тооцогдох авч гарааны хоёр довтолгч нь нийлээд ердөө 26-г хийжээ. Гэвч тэд нийлээд 20 гоолын дамжуулалтыг өгч чадсан нь үнэхээр чадварлаг, хүчирхэг урд шугам энэ багт байгааг батлана. Тевез, Рүүний 2-ийн хослолоос ганцхан Берба, Кийн /30 гоол, 18 дамж/ хоёр л илүү байсан. Энэ хоёр чөтгөрүүдийн хослол үнэхээр шилдэг байж чаддаг юм.
Үнэлэмж: 9
Дасгалжуулагч
Ливер: 9
МАНУ: 9,5
довтлогч хэрэгтэй!!!
