Liverpool-ийн үнэнч фанатуудаа саяхан болсон сонгуулийн талаарх бидний хүрээнд бичсэн элэглэлийг олж авлаа. Уншаад үздээ.
FC МАХН vs Ардчилал United
За ийнхvv дөрвөн жилд нэг удаа болдог цомын төлөөх шигшээ тоглолт эхлэхэд бэлэн болж байнаа. FC МАХН багийхан өөрсдийн vндсэн өмсгөл болох улаан өнгийн хослолтой гарч ирсэн харин тэдний өрсөлдөгч Ардчилал United цагаан цэнхэр хослолтой тоглоно. Энэ хоёр багийн тvvхийн тухайд гэвэл FC МАХН нь цомын далан удаагийн аварга болж байсан гэхдээ тэр vед Монголын лиг ганцхан багтай, тиймээс ямар нэгэн тоглолт бололгvй шууд аваргын цомыг гардуулдаг байсан. Эмээ өвөө зонхилсон энэ клубын фанатууд дээрхи амжилтаараа vнэхээр бахархдаг юмаа. За хоёр багийн ахлагчид болох Ховордорж, Баярдино нар гар бариснаар тоглолт эхэллээ. Талбайн ерөнхий шvvгчээр МАХН –ийн гишvvн, хажуугийн хоёр шvvгчээр МАХН –ийн гишvvн харин туслах шvvгчээр өмнө нь МАХН –ийн гишvvн байсан АН –ийн гишvvн тус тус ажиллана. Аrd Utd –ийн довтолгоо, Ховороо хуурлаа цохилоо ээл дээ. Санамсаргvй нэгэн бөмбөг хаалганд орлоо, гэхдээ МАХН –ийнхан тайван байна аа. Тоглолт дөнгөж эхлээд байгаа учир тэдэнд боломж бий. МАХН довтолж байна, тэнд цаана Арвин орилоол гvйгээд байна даа, гэхдээ Баярдино дамжуулсангvй, Нямка авлаа, ямар удаан юм бэ, тvvний бөмбөгийг Женаро Кёкшv цэвэрхэн тасаллаа, дамжууллаа, Алтанхуяг жигvvрээр орсон кросс хаялаа мөргөлөө.... за энэ бол гоол байлаа. Ардчилал United-ийн довтолгоо сайндаа биш манайхны хамгаалалт болохгvй байна аа. Тайлбарлагч миний хувьд аль нэгэн багийн талд орох ёсгvй болж буй тоглолтыг яг процессоор нь хvргэнэ. Хvрэлсvхийн довтолгоо, тэнд цаана Арвин орилоол гvйгээд байна даа, Хvрэлсvх дамжуулсангvй, Арвин хvнээсээ өөрөө булааж авлаа Дархан Аваргад хаясан, аварга авангуутаа дэндvv хvчтэй цөлчлөө дөө, харамсалтай. За ингээд
AН Utd –ийнхан довтолж байх хойгуур vзэгчидтэйгээ утсаар холбогдъё,,,
Баярдино бөмбөгөнд хvрсэн таслуулчихлаа. БатYvл бөмбөг авсан тvvнийг гурван талаас нь жийж унагалаа, vсдлээ ... найруулагчаа реклам реклам.
Бат-vvл бэртэл гайгvй юм шиг байнаа, тархи нь хагарсан хөл нь баг зэрэг доголж футболк нь ялимгvй ханзарсаныг эс тооцвол төдийлөн ноцтой зvйл болоогvй. Шvvгч улаан хуудас өргөөд хvрээд ирлээ хэнд өгөх юм болоо, vсдэж татсан МАХН –ийн тоглогч авах байхаа. Заа Бат-vvлд өөрт нь улаан хуудас өгчлөө баашилсан гэж vзсийн болуу, удаашруулсан бичлэгээс харъя, эхлээд хөл рvv нь жийсэн унаагvй, цээж рvv нь тийрсэн тэссэн цаанаас жигvvрийн хамгаалагч ирээд алгадсан дараа нь Арвин vсдсэн, за энд яах аргагvй өөрөө МАХН –ын тоглогч руу муухай харсан юм байна аа. Шvvгч маш сайн анзаарлаа, ингээд AН Utd арвуулаа vлдлээ. Энэ бол МАХН –ы хувьд гоол оруулах сайхан боломж юмаа. Энхбалдо довтолж байна, тэнд цаана Арвин орилоол гvйгээд байна даа, дамжууллаа, бөмбөгөнд хvрэх хvн байсангvй. АН –ынхан довтолж байна, статистик vзvvлэлтvvдийг танилцуулъя тооны харьцаа одоогийн байдлаар 2 : 0 отон тоглолтонд АН Utd нийт 15 удаа орсон, бөмбөг эзэмшилт АН United 70%, тэгэхээр чинь FC МАХН 71%.... Биднийг ярилцаж байх хооронд тооны харьцаа 3 : 0 болжээ АН тэргvvлсэн хэвээр байна.
Тоглолтын 28 дахь минутанд шvvгч шvглээ vлээж эхний хагасыг өндөрлvvллээ. Хоёрдугаар vед биднийг улам илvv сонирхолтой тоглолт хvлээж байнаа. Тоглолтын хоёрдугаар хагас эхэллээ. Энд цугласан зарим нэг МАХН –ын фанатуудад мөнгө тарааж байна, мөнгө авч чадаагvй зарим нь уурандаа цамцан дээрхи бичигнээсээ М,Х хоёр vсгийг нь урж аван хаялаа. АН –ын довтолгоо, Ховороо хоёр хvний өөдөөс довтолж байна, Гончигоод хаялаа цохилоо, ..цохилоо, цохилоо, дэвслээ, vсдлээ, дэвслээ, шvvгч ирж салгалаа. МАХН –ын хамгаалагчид нэлээд шатжээ. Гэмтэл авсан Гончигоогийн оронд Гvнээ орж ирлээ. Гvнээгийн хувьд хувийн тоглолт сайтай, өөрийнх нь баг нь төдийлөн амжилт олохооргvй жижиг баг байсан учраас АН Utd багт ирсэн. Гvнээ довтолж байна, дамжууллаа... Тоглолт болж буй цэнгэлдэх хvрээлэнгийн тог тасарлаа, ... Ямар учраас цахилгааны саатал гарсаныг тодруулах ажлын хэсэг гарсан гэсэн мэдээлэл байна. ... за ашгvй тог ирлээ тоглолтынхоо тайлбарт эргэн оръё, тог тасарсан нэлээд хэдэн минутын хугацаанд FC МАХН –ынхан хоёр ч бөмбөгийг хаалганд оруулж тооны харьцааг 3 : 2 болгож ойртууллаа. Харин Ардчилал United –аас дахин нэг тоглогч улаан хуудсаар торгуулан хөөгдөж талбайд есvvлэхнээ vлджээ. Ер нь бол FC МАХН –ынхан vндсэн тоглолтоо гаргаж эхэллээ, Лvндээ довтолж байна, тэнд цаана Арвин орилоол гvйгээд байна даа, таслууллаа Ардчилал United сөрөг довтолгоонд орлоо МАХН –ы хамгаалагчид АН –ын довтлогч руу мөнгө сарвайгаад л байна даа, тэрнийхээ оронд тvрvvнийхээ хvчтэй хамгаалалтыг хийсэн нь дээр дээ, за тэр, мөнгийг нь авсангvйд уурлан АН -ын довтлогчийг шууд өшиглөөд унагаачихлаа. Хоёр тоглогчийн маргааныг шvvгч ирж салгалаа, ер нь бол
FC МАХН харьцангуй илvv тоглож байна. МАХН –ын довтолгоон vргэлжилж байна, харамсалтай нь бөмбөгөө таслууллаа Ховороо бөмбөг авлаа хуурлаа, энэ юу вэ талбайд өөр нэг бөмбөг орж ирлээ, орж ирсэн нөгөө бөмбөгийг МАХН –ын довтлогч Баярдино авч цохин гоол орууллаа тооны харьцаа 3 : 3. Баярдино чи vнэхээр МАХН –ын шигшээ багийн од нь юмаа. Буруу бөмбөгөөр тоглосон АН United –ын хоёр хvн улаан карт авч хөөгдлөө, бусад тоглогч шар хуудас авлаа. Долоон тоглогчтой болсон ч АН –ынхан дутахааргvй тоглож байна. Тоглолтын vндсэн цаг дууслаа одоо шvvгч өөрийн мэдлийн хэдэн минутыг сунгана. Шvvгч 10 минут сунгажээ энэ бол МАХН –д тоог илvv гаргаж хожих сайхан боломж юм. ... Цаг дууссан, гэвч шvvгч тоглолтыг зогсоосонгvй яагаад ч юм МАХН торгуулийн цохилт цохихоор боллоо. Харин АН –ын хаалгач шар авлаа, ингээд тvрvvн нэг шар авсан тул хоёр шар карттай болж хөөгдлөө. Ийнхvv Баярдино хоосон хаалганд бөмбөгийг цохихоор боллоо, цохилоо хөндлөвч онолоо гэхдээ хажуугийн шvvгч бөмбөгийг тооцжээ, vнэхээр гайхалтай, тоглолтын эцсийн мөчид тэд хожиж чадлаа эрхэм хvндэт vзэгчдээ. Энд фанатуудын уур бухимдал дээд цэгтээ хvрч байх шиг харагдана, гэхдээ шvvгчийн шийдвэр бол шvvгчийн шийдвэр нэгэнт гарсан шийдвэрийг эсэргvvцээд ямар ч нэмэргvй юмаа. Харамсалтай нь зарим нэг согтуурсан фанатууд талбайд орж ирэн тоглолтыг тасалдууллаа.
Эх сурвалж: Өдрийн сонин сайт дээр гарсан Баабарын ярилцлагын доорх комментоос.
ёо ёо саваачих юм аа. Үүнийг бичсэн хүн хошин шогийн мэдрэмжээс гадна яггүй хөлбөмбөг мэддэг гар байнаа. Амжилт хүсье.