Хэсгийн тоглолтууд явагдах цэнгэлдэх хүрээлэнгүүд
Донбасс АренаДонбасc Арена нь Украйны томоохон хотуудын нэг болох Донецк хотод байрладаг. Анх 2009 оны 8-р сарын 29-нд нээлтээ хийж байсан уг цэнгэлдэх хүрээлэн нь таримал зүлэгтэйгээрээ онцлогтой юм.
Энэхүү цэнгэлдэх хүрээлэн нь 52,518 хүний суудалтай бөгөөд энд Украйны лигийн Шахтар Донецк баг өөрийн тоглолтоо хийдэг байна.
Цэнгэлдэх хүрээлэн барихад нийтдээ 400 сая ам.доллар зарцуулсан бөгөөд цэнгэлдэхийн дотоод засалд чимэглэлд 250 сая ам.доллар, гадаад тохижилтын ажилд 30 сая ам.долларыг зарцуулсан гэх судалгаа бий.
Донбасс гэдэг нь товчилсон нэр бөгөөд Украйн улсын зүүн хязгаар нутаг орчмыг Донецький басейн хэмээн олон түмэн нэрлэдэг ажээ.
Энд D хэсгийн тоглолтуудаас гадна шөвгийн найм, шөвгийн дөрвийн тоглолтууд явагдах юм байна.
“Олимп” үндэсний спорт цогцолбор“Олимп” үндэсний спорт цогцолбор нь Украйны нийслэл Киев хотод байрлах спортын том цогцолбор ордон юм. Энэ газар нь Украйндаа томоохонд тооцогдох төдийгүй дэлхийн томоохон цогцолборын (зүүн Европтоо Лужникигийн дараа хоёрдугаарт орох) нэг билээ.
Энэ цогцолборт Олимпийн наадам зохион байгуулах боломжтой гэж үздэг ба дотроо олон төрлийн спортын дугуйлан ажиллуулдаг.
Цогцолбор анх 1923 оны 8-р сарын 12-нд нээлтээ хийснээсээ хойш 1941, 1999, 2011 онуудад тус тус засварт орж байжээ.
ЕВРО 2012-ийг хүлээн авах энэ цэнгэлдэх хүрээлэн 65,400 хүний багтаамжтай ба талбай нь 105м х 68м харьцаатай ажээ. D хэсгийн тоглолтууд мөн шөвгийн найм, финалын тоглолтууд энд явагдана.